29 C
Yerevan
10 Օգոստոսի, 2020
91068.8 By Google Analytics 09.08.2020
Գլխավոր » Ակնա լճում ձկնաբուծարան լինելը կուսումնասիրի Բնապահպանության և ընդերքի ՏՄ-ն
Այլ Լուրեր

Ակնա լճում ձկնաբուծարան լինելը կուսումնասիրի Բնապահպանության և ընդերքի ՏՄ-ն

հետևեք մեզ նաև Telegram-ում

Բնապահպանության և ընդերքի տեսչական մարմինը ուսումնասիրություն կիրականացնի համացանցում տարածված լուրի վերաբերյալ, թե ՀՀ Կոտայքի և Գեղարքունիքի մարզերի սահմանագլխին գտնվող Ակնա լճի տարածքում մի քաղաքացի ձնկաբուծարան ունի և լիճն էլ իրեն է պատկանում։

Շրջակա միջավայրի նախարարի մամուլի խոսնակ Դավիթ Գրիգորյանն ասաց, որ Ակնա լիճը բնության հուշարձան է, որը գրանցված է ՇՄ նախարարության բնության հուշարձանների ցանկում, սակայն ամբողջությամբ քարտեզագրված չի։

«Լճի հարակից տարածքների 25 տոկոսը պատկանում է Կոտայքի մարզի համայնքներին, իսկ 75 տոկոսը՝ Գեղարքունիքի մարզի։ Հենց լիճը համարվում է հուշարձան, սակայն հարակից տարածքները համայնքային հողեր են, այնտեղ նաև արոտավայրեր կան։ Այն քաղաքացին, ով իր մեքենայով բարձրացել է այնտեղ և ասել, որ ձկնաբուծարաններ ունի Ակնա լճում, իրականում դրա իրավունքը չունի»,- նշեց Գրիգորյանը։ Նրա խոսքով՝ այս պահին ՇՄ նախարարի տեղակալի միջնորդությամբ տեղեկանք է ուղարկվել Բնապահպանության և ընդերքի տեսչական մարմին։ Դավիթ Գրիգորյանը հայտնեց, որ մարզային տեսուչները պետք է օպերատիվ ստուգումներ իրականացնեն և պարզեն, արդյոք նմանատիպ գործունեություն ծավալվում է, թե ոչ։ Դրանից հետո, ընթացակարգով պարզ կլինի՝ կդիմեն ոստիկանություն, թե այլ պետական մարմիններ։

Համացանցում տարածվել է մի տեղեկություն, որտեղ քաղաքացին ահազանգում է, թե Ակնա լճի մոտ մի մարդ է իրենց մոտեցել, ներկայացել է որպես Քյավառցի Սասուն և ասել է, որ այդ լիճն իրենն է ու ինքն այնտեղ ձնկաբուծարան ունի։

Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին