6 C
Yerevan
28 Հոկտեմբերի, 2020
108992 By Google Analytics 27.10.2020
Գլխավոր » Ամենաակտիվ ու ամենաշատ բացակայած պատգամավորների ռեկորդը սահմանել է ԲՀԿ- ն
Այլ Լուրեր

Ամենաակտիվ ու ամենաշատ բացակայած պատգամավորների ռեկորդը սահմանել է ԲՀԿ- ն

ՀՀ ազգային ժողովի 7-րդ գումարման 4-րդ նստաշրջանի ընթացքում ամենաշատ բացակայած պատգամավորը «Բարգավաճ Հայաստան» խմբակցության ղեկավար Գագիկ Ծառուկյանն է:

Այս մասին մամուլի ասուլիսին ասաց «ԱԺ մոնիտորինգ» ծրագրի ղեկավար Լուսինե Վասիլյանը՝ ներկայացնելով դիտարկման տվյալները:

«Նախորդ նստաշրջանում «ԲՀԿ» առաջնորդ Գագիկ Ծառուկյանը լքել էր նիստերից ամենաշատը բացակայած պատգամավորների շարքը, հիմա նորից վերադարձել է այդ դիրքին: Ընդհանրապես, ԱԺ նիստերից ամենաշատ բացակայածների հնգյակում պատգամավորներից չորսը «ԲՀԿ»-ից են, մեկը՝ «Իմ քայլը» խմբակցությունից։ Պետք է ասեմ, որ «Իմ քայլ»-ի պատգամավորը ֆիզարձակուրդում է եղել»,- նշեց Վասիլյանը:

Նրա խոսքով՝ նախորդ նստաշրջանում իրենք բախվել էին խնդրի, քանի որ ամենաշատ բացակայածների տասնյակում հայտնվել էին ամենաշատ գործուղման մեկնած պատգամավորները։ «Այս անգամ գործուղումներ չեն եղել»,- ընդգծեց ծրագրի ղեկավարը։

ԱԺ «Բարգավաճ Հայաստան» խմբակցության պատգամավոր Միքայել Մելքումյանն, անդրադառնալով Ծառուկյանի բացակայություններին, նշեց, որ վերջինս բացակայել է կորոնավիրուսային հիվանդության և իր տարիքի պատճառով:

«ԱԺ-ում այդ կարգը կար, որ կարելի էր դիմել ԱԺ նախագահին և չմասնակցել նիստերին։ Այդ բացակայությունները դրանով են պայմանավորված»,- ասաց Մելքումյանը։

Լուսինե Վասիլյանը, ներկայացնելով ամենաակտիվ պատգամավորների տվյալները, հայտնեց, որ խորհրդարանում ամենաակտիվ, ամենաշատ հարց տված պատգամավորը  «ԲՀԿ»-ական պատգամավոր Միքայել Մելքումյանն է:

Ընդհանուր առմամբ, 132 պատգամավորներից 20-ը որևէ ելույթ չի ունեցել և հարց չի հնչեցրել։

Նմանատիպ Հոդվածներ

ԱԺ նիստը սկսելու համար քվորում չապահովվեց

Նատա Հարությունյան

ԱԺ նիստը. ուղիղ

Նատա Հարությունյան

Ռազմական դրության ընթացքում որոշակի գործողությունների համար պատժաչափերը կխստացվեն. ԱԺ-ն ընդունեց նախագիծը

Նատա Հարությունյան
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին