24 C
Yerevan
9 Հուլիսի, 2020
83244.8 By Google Analytics 07.07.2020
Գլխավոր » Ապօրինի մրցույթի հիման վրա ՀՖՖ նախկին նախագահին Արմավիր քաղաքում տարածք է տրամադրվել․ ոստիկանություն
Իրավունք

Ապօրինի մրցույթի հիման վրա ՀՖՖ նախկին նախագահին Արմավիր քաղաքում տարածք է տրամադրվել․ ոստիկանություն

հետևեք մեզ նաև Telegram-ում

ՀՀ ոստիկանությունը հայտնում է Արմավիրի մարզում կոռուպցիոն հանցագործության դեպք արձանագրելու մասին։ Ոստիկանությունն այդ մասին հաղորդագրություն է տարածել․

«ՀՀ ԱԱԾ և ոստիկանության փոխգործակցության շրջանակներում Քրեական ոստիկանության գլխավոր վարչության ծառայողների ձեռնարկված օպերատիվ-հետախուզական միջոցառումների արդյունքում փաստական տվյալներ են ձեռք բերվել, որ Արմավիր քաղաքի նախկին քաղաքապետը, ըստ քննությամբ ձեռք բերված նախնական տվյալների, չարաշահելով պաշտոնեական լիազորությունները, առանց ավագանու անդամների համապատասխան որոշման, 2010 թվականի հունվարի 25-ին, քաղաքապետարանի համապատասխան պաշտոնատար անձանց օժանդակությամբ, նրանց կազմած կեղծ պաշտոնեական փաստաթղթերը օգտագործելով, կազմակերպված ապօրինի մրցույթի արդյունքների հիման վրա 2010 թվականի հունվարի 26-ին կայացրել է որոշում` համաձայն որի` Արմավիր քաղաքի Երևանյան փողոցում գտնվող 360 քմ մակերեսով հասարակական կառուցապատման հողատարածքը 75 տարի ժամկետով առևտրի և սպասարկման օբյեկտ կառուցելու համար տրամադրել է ՀՀ ֆուտբոլի ֆեդերացիայի նախկին նախագահին, որի հետևանքով էական վնաս է պատճառվել Արմավիրի համայնքին:
Առերևույթ հանցագործության դեպքի առթիվ հարուցվել է քրեական գործ: Ձեռնարկվում են միջոցառումներ` բոլոր հանգամանքերը պարզելու ուղղությամբ: Նախաքննությունը շարունակվում է»,- ասված է ոստիկանության տարածած հաղորդագրության մեջ:

Նմանատիպ Հոդվածներ

Արմավիր քաղաքում շինանյութի և հագուստի խանութներում շուկայի վերահսկողության տեսչական մարմինը դրական արդյունքներ է արձանագրել

Սերինե

Կամրջից նետված 14-ամյա աղջկա վիճակը ծանր է, բայց կայուն․ ԲԿ խոսնակ

Աշխեն

Արմավիրի դատախազությունը ՃՏՊ-ները նվազեցնելուն ուղղված մի շարք միջնորդագրեր է ներկայացրել

Աշխեն
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին