20 C
Yerevan
23 Հոկտեմբերի, 2020
107961.6 By Google Analytics 22.10.2020
Գլխավոր » Ասադի խորհրդականը Թուրքիային մեղադրում է Ղարաբաղում հակամարտություն հրահրելու մեջ
Այլ Լուրեր

Ասադի խորհրդականը Թուրքիային մեղադրում է Ղարաբաղում հակամարտություն հրահրելու մեջ

Թուրքիան հրահրում է Ադրբեջանի և Հայաստանի միջև հակամարտություն Լեռնային Ղարաբաղում ձգտելով ուժեղացնել իր տարածաշրջանային և միջազգային ազդեցությունը: «ՌԻԱ Նովոստի»-ին տված հարցազրույցում այս մասին ասել է Սիրիայի նախագահ Բաշար ալ-Ասադի խորհրդական Բուսեյն Շաաբանը:

«Հիմա Լեռնային Ղարաբաղում կարող ենք տեսնել, որ Թուրքիան իսկապես հրահրում է հակամարտությունը, և Թուրքիայի նախագահ Էրդողանի հայտարարությունը ցույց է տալիս, որ նրանք սատարում են Ադրբեջանի և Հայաստանի միջև այս հակամարտությունը սադրելը», — ասել է Շաաբանը:

Ասադի խորհրդականի կարծիքով` Թուրքիան, թեժացնելով հակամարտությունը, ձգտում է ամրապնդել իր տարածաշրջանային և միջազգային դերը:

Սեպտեմբերի 27-ից Ադրբեջանի կողմից սանձազերծված մարտական գործողություններում ակնհայտ երևում է Թուրքիայի դերակատարումը: Թուրքիայի նախագահ Ռեջեփ Թայիփ Էրդողանը և այլ բարձրաստիճան պաշտոնյաներ պարբերաբար միակողմանի և ռազմատենչ հայտարարություններով են հանդես գալիս և նշում, որ մենակ չեն թողնի ադրբեջանցի իր եղբայրներին Արցախի դեմ պատերազմում: Միջազգային մամուլում շրջանառվող տեղեկությունների համաձայնԹուրքիայի կողմից աջակցվող Սիրիայի ազատ բանակի հազարավոր զինյալներ տեղափոխվել են Բաքու մասնակցելու Արցախի դեմ պատերազմում: Բացի այդ, Ադրբեջանի ՊՆ-ի կողմից հրապարակվող տեսանյութերում երևում է թուրքական զինատեսակների, ինչպես նաև ԱԹՍ-ների օգտագործումը: Վերջինիս մասին գրել էր հեղինակավոր «Forbes» պարբերականը: Իսկ արդեն սեպտեմբերի 29-ին թուրքական F-16 ինքնաթիռի կողմից խոցվել է հայկական ՍՈՒ-25 ինքնաթիռը: Սեպտեմբերի 30-ին Հայաստանի պաշտպանության նախարարությունը հայտարարել էր, որ Ադրբեջանը Արցախի դեմ հարձակողական օպերացիայի օդային ղեկավարումը հանձնել է Թուրքիայի ռազմաօդային ուժերին:

Նմանատիպ Հոդվածներ

Սենատոր Մենենդեսն Ադրբեջանին և Թուրքիային սպառազինությունների վաճառքը դադարեցնելու բանաձևեր է ներկայացրել

Անի Գրիգորյան

Ցեղասպանագետների միջազգային ընկերակցության անդամներն Ադրբեջանի ու Թուրքիայի գործողություններում ցեղասպանության վտանգ են տեսնում

Անի Գրիգորյան

ԵՏՀ-ն կքննարկի Թուրքիան ԵԱՏՄ սակագնային արտոնությունների համակարգից օգտվող երկրների ցանկից հանելու հարցը

Անի Գրիգորյան
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին