33 C
Yerevan
3 Հուլիսի, 2020
82028.8 By Google Analytics 02.07.2020
Գլխավոր » Արցախն օգնություն կուղարկի ԱՄՆ-ին COVID-19-ի դեմ պայքարի համար
Սոցիալական

Արցախն օգնություն կուղարկի ԱՄՆ-ին COVID-19-ի դեմ պայքարի համար

հետևեք մեզ նաև Telegram-ում

Արցախի ժողովրդի անունից Արցախում արտադրված բժշկական նշանակության պարագաներ կուղարկվեն Ամերիկայի Միացյալ Նահանգների Կալիֆոռնիա նահանգ՝ կորոնավիրուսի համավարակի դեմ պայքարի համար: Այս մասին «Ֆեյսբուք»-ի իր էջում գրել է Արցախի Հանրապետության Ազգային ժողովի «Արցախի ժողովրդավարական կուսակցություն» խմբակցության ղեկավար Դավիթ Մելքումյանը:

«Մեծ սիրով տեղեկացնում եմ, որ պետական համապատասխան կառույցների ղեկավարների՝ խորհրդարանի նախագահի, պետնախարարի, ԱԳ նախարարի հետ կառուցողական քննարկումների արդյունքում համաձայնություն ձեռք բերվեց Արցախի ժողովրդի անունից Արցախում արտադրված բժշկական նշանակության պարագաներ ուղարկել Կալիֆոռնիա նահանգ՝ օգնելու ԱՄՆ բարեկամ ժողովրդին և մեր հայրենակիցներին կորոնավիրուսի համավարակի դեմ պայքարում»,- գրել է պատգամավորը:

Մելքումյանը նշել է, որ օգնությունը խորհրդանշական բնույթ կկրի, բայց դրանով Արցախի Հանրապետությունն իր հնարավորությունների սահմաններում կմիանա COVID-19 համավարակի դեմ համաշխարհային պայքարին։

ԱՄՆ-ն աշխարհում առաջինն է կորոնավիրուսով վարակվածների թվով: Միացյալ Նահանգներում կորոնավիրուսի 2 մլն 683 հազար 301 հաստատված դեպք կա: Երկրում կորոնավիրուսից մահացել է 128 հազար 819 մարդ, ապաքինվել՝ 1 մլն 122 հազար 591-ը:

Նմանատիպ Հոդվածներ

Ի՞նչ արժե Հայաստանում հանգստանալը

Սերինե

Կորոնավիրուսի ևս մեկ նոր օջախ է հայտնաբերվել Ստեփանակերտում

Սերինե

Կորոնավիրուսից մահացել է 10 հոգի

Սերինե
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին