25 Նոյեմբերի, 2020
115827.2 By Google Analytics 23.11.2020
Գլխավոր » Բայդենը հաղթել Է Թրամփի հետ եզրափակիչ նախընտրական բանավեճերում. հարցախույզ
Աշխարհ

Բայդենը հաղթել Է Թրամփի հետ եզրափակիչ նախընտրական բանավեճերում. հարցախույզ

 Դեմոկրատական կուսակցությունից ԱՄՆ-ի նախագահի թեկնածու Ջոզեֆ Բայդենը հաղթել Է Միացյալ Նահանգների վարչակազմի գործող ղեկավար Դոնալդ Թրամփի հետ հեռուստաբանավեճերի եզրափակիչ փուլում, որը կայացել Է հոկտեմբերի 22-ի երեկոյան Նեշվիլի (Թենեսիի նահանգ) Բելմոնտ համալսարանում: Այդ մասին են վկայում ընտրողների հարցման արդյունքները, որն անցկացրել Է CNN հեռուստաընկերությունը:

Հեռուստաընկերության տվյալների համաձայն՝ հարցման մասնակիցների 53 տոկոսը կարծում Է, որ Բայդենը հաղթող Է դուրս եկել Թրամփի հետ կայացած խոսքի մենամարտում: Այն կարծիքին, թե հաղթանակը տարել Է Սպիտակ տան ղեկավարը, կողմնակից Է ընտրողների 39 տոկոսը:

Հարցման մասնակիցների ճնշող մեծամասնությունը (73 տոկոս) համաձայն Է այն կարծիքին, որ ԱՄՆ-ի նախագահն արժանի Էր դեմոկրատի քննադատությանը: Հարցվածների սոսկ կեսն Է (50 տոկոս) համարել, թե Թրամփը բավականին հիմքեր ուներ ընդդիմախոսի հասցեին պատասխան հարձակումների համար: Ըստ որում այն հարցին, թե երկու թեկնածուներից ում ելույթն Է ավելի շատ հարցեր հարուցում հնարավոր նախագահ լինելու լույսով, հարցման մասնակիցների մեծ մասը (55 տոկոս) նշել Է ԱՄՆ-ի գործող ղեկավարին: Բայդենի ապագա քաղաքական ուղեգծի վերաբերյալ կասկածանքներ Է հայտնել հարցվածների 41 տոկոսը:

Բանավեճերը վարողի՝ արտաքին քաղաքականության վերաբերյալ հարցերի պատասխաններում թեկնածուները, հարցման մասնակիցների կարծիքով՝ եղել են գործնականում միատեսակ համոզիչ՝ Բայդենի 50 տոկոսը Թրամփի 48 տոկոսի դիմաց: Ըստ որում ԱՄՆ-ի ղեկավարին հաջողվել Է հաղթանակը կորզել (Թրամփի 56 տոկոսը Բայդենի 44 տոկոսի դիմաց) տնտեսական թեմատիկայի վերաբերյալ բանավեճում: Սակայն մուս թեմաների շուրջը, ներառյալ կորոնավիրուսի համավարակը, կլիմայական փոփոխությունները, ռասայական արդարության հարցերը, ընտրողները դեմոկրատի ելույթն ավելի համոզիչ են համարել:

Նեշվիլում հեռուստաբանավեճերը դարձան վերջինը նոյեմբերի 3-ին կայանալիք ընդհանուր ընտրություններից առաջ, որտեղ կընտրվեն նախագահը եւ փոխնախագահը, Կոնգրեսի Ներկայացուցչիների պալատի բոլոր 435 անդամները եւ Սենատի մեկ երրորդը, 13 նահանգների եւ տարածքների նահանգապետերը, հաղորդել Է ՏԱՍՍ-ը:

Նմանատիպ Հոդվածներ

Թրամփն Ընդհանուր ծառայությունների վարչության ղեկավարին հանձնարարել Է «անհրաժեշտ ամեն բան» անել իշխանությունը Բայդենին փոխանցելու համար

Անի Գրիգորյան

Բայդենը NASA-ին եւ SpaceX-ին շնորհավորել է Crew Dragon-ի հաջող մեկնարկի համար

Անի Գրիգորյան

Թրամփը պնդում է, որ հաղթել Է ԱՄՆ-ի նախագահական ընտրություններում

Անի Գրիգորյան
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին