20 C
Yerevan
26 Մայիսի, 2020
68996.7 By Google Analytics 26.05.2020
Գլխավոր » Գյումրիում մեկնարկել է «Սոցիալական շտապօգնություն» ծրագիրը
Սոցիալական

Գյումրիում մեկնարկել է «Սոցիալական շտապօգնություն» ծրագիրը

հետևեք մեզ նաև Telegram-ում

Գյումրիում մեկնարկել  է «Սոցիալական շտապօգնություն» ծրագիրը, որի նպատակն է սոցիալապես անապահով ընտանիքների համար  ապահովել կենսական անհրաժեշտություն համարվող նվազագույն պարենային զամբյուղը: Ծրագիրը իրականացվում է նախաձեռնող թիմի, Շիրակի մարզպետարանի ու «Գյումրին առանց տնակների հիմնադրամի» հետ համատեղ: «Կորոնավիրուսի տարածումը կանխարգելելու համար աշխարհում և, մասնավորապես, ՀՀ-ում կիրառվում են մի շարք սահամանափակումներ, որոնց արդյունքում շատ քաղաքացիներ զրկվում են կարիքների բավարարման համար անհրաժեշտ նվազագույն ֆինանսական միջոցներից։  Շատ քաղաքացիներ այժմ դժվարանում են վաստակել ամենօրյա նվազագույն եկամուտը, ինչի արդյունքում նրանց ընտանիքների համար նվազագույն պարենային կենսապահովման խնդիր է առաջ գալիս»,- ծրագրի մեկնարկն ազդարարող ասուլիսի ժամանակ նշեց նախաձեռնող խմբի անդամ Կարեն Պետրոսյանը:

Քաղաքացիների գրանցումն իրականացվում է http://www.shtapognutyun.am/ կայքի՝ օնլայն ձևաչափով նախապես սահմանված ձևաթղթի միջոցով: Արդեն գրանցված տվյալների բազայից կամավորների միջոցով  կկատարվի գնահատում՝ ընտրելու համար շահառու ընտանիքներին:

Սոցիալական աջակցության պարենային զամբյուղը (ծանրոց) ներառում է մեկ շաբաթվա հաշվարկով պարենային ապրանքներ՝  4 հոգու համար նախատեսված յուրաքանչյուր ծանրոց 10-12 հազար դրամ արժեքով։ Ծանրոցի մեջ մտնող պարենային ապրանքերի ցանկի համար հիմք է ընդունվում ՀՀ պարետատան կողմից սահմանված ապրանքների ցանկը: «Մշտապես գործելու է թեժ գիծ` տեղեկատվության և շահառու ընտանիքներին հուզող հարցերին պատասխանելու համար։ Բացվելու է հաշվեհամար, որտեղ նվիրատուները կարող են փոխանցել իրենց ֆինանսական հանգանակությունները։ Բացի այդ, յուրաքանչյուր նվիրատու կարող է նվիրել ծանրոց»,-նշեց Կարեն Պետրոսյանը:

Շահառու ընտանիքների ընտրությունն ու բաշխումն իրականացվելու է կամավորների միջոցով: Ծրագիրը կամավորների խնդիր չունի․  միացել է 15 կամավոր, 40 կամավոր էլ կա  Շիրակի մարզպետարանի կամավորների բազայում:

Այս պահին նախաձեռնող խմբի անդամները վստահ են՝ ծրագրից օգտվելու դիմողներ շատ կլինեն, բայց ամբողջ ծավալի մասին առայժմ չեն կարող խոսել։

Ասուլիս բանախոսները տեղեկացրին՝ ծրագրին ֆինանսական աջակցությամբ առաջինը միացել է Շիրակի մարզպետ Տիգրան Պետրոսյանը․ մարզպետին հետևելու կոչով ծրագրի հեղինակները դիմում են բոլոր բարի կամքի տեր մարդկանց ու գործարարներին:  Հաշվեհամարները տեղադրված են «Գյումրին առանց տնակների» հիմնադրամի կայքում ու էջում: Նախաձեռնողները խոստանում են՝  ծրագիրը լինելու է բաց ու թափանցիկ։

Նմանատիպ Հոդվածներ

Գյումրիում կորոնավիրուսով 54 հիվանդ է բուժվում. այդ նպատակին կարող է ծառայեցվել ևս մեկ հիվանդանոց

Սերինե

Գյումրիում նախադպրոցական ուսումնական հաստատությունների վերաբացման առաջին օրը 13 հաճախում է գրանցվել

Սերինե

Հաղթանակի օրվան նվիրված օդային շքերթը նախնական տվյալներով կմեկնարկի ժամը 11։00-ին Գյումրիից

Սերինե
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին