17 C
Yerevan
21 Հոկտեմբերի, 2020
107500.8 By Google Analytics 20.10.2020
Գլխավոր » Գյումրու ինֆեկցիոն հիվանդանոցում կորոնավիրուսով վարակվածների թվի ավելացում է նկատվում
Այլ Լուրեր

Գյումրու ինֆեկցիոն հիվանդանոցում կորոնավիրուսով վարակվածների թվի ավելացում է նկատվում

Գյումրու ինֆեկցիոն հիվանդանոցում  կորոնավիրուսով վարակվածների թվի ավելացում է նկատվում: Օգոստոսի 23-ին հիվանդանոցում բուժում էր ստանում 38 քաղաքացի, ներկա պահին՝ 41։ 42-ով ավելացել է նաև տնային մեկուսացման ցուցում ունեցող քաղաքացիների թիվը: Այս ընթացքում կորոնավիրուսից առողջացել և Գյումրու ինֆեկցիոն հիվանդանոցից դուրս է գրվել Շիրակի մարզի 529 բնակիչ։ 61 հիվանդներ տեղափոխվել են մայրաքաղաք: Արձանագրվել է մահվան 39 դեպք:

Մահվան վերջին դեպքն արձանագրվել է 2 օր առաջ, մահացողը  կրտսեր բուժաշխատող էր՝ ծնված 1960 թվականին։ Նա աշխատում էր Գյումրու հոգեկան առողջության կենտրոնում, ունեցել է ուղեկցող հիվանդություններ: Հաստատությունում այլ դեպքեր չեն գրանցվել: «Ավելացում կա, բայց թվերը մեծ չեն»,- վստահեցնում է Շիրակի մարզպետարանի առողջապահության և սոցիալական ապահովության վարչության պետի ժամանակավոր պաշտոնակատար Լեյլի Ասլանյանը։

Անդրադառնալով Գյումրու «Երեխաների տուն» մանկատան
երեխաների վիճակին՝ պատասխանատուն տեղեկացրեց, որ նրանց վիճակը կայուն է: Հիշեցնենք, որ Գյումրու «Երեխաների տուն» մանկատանը իրականացրած թեստավորման արդյունքում կորոնավիրուս է հաստատվել 6 երեխայի և 7 աշխատակցի մոտ։ Երեխաներն աշխատողներից են վարակվել, քանի որ հաստատությունն աշխատում է փակ ռեժիմով։
Աշխատակիցներից 3-ը ներկա պահին տնային հսկողության տակ են, 6 երեխա ու 4 աշխատակից տեղափոխվել են Երևան:

Նմանատիպ Հոդվածներ

Գյումրու ինֆեկցիոն հիվանդանոցից մինչ օրս դուրս է գրվել 502 քաղաքացի

Անի Գրիգորյան

Գյումրու ինֆեկցիոն հիվանդանոցում նվազել է հիվանդների թիվը

Սերինե

Գյումրու ինֆեկցիոն հիվանդանոցում կորոնավիրուսով 87 հիվանդ է բուժվում

Սերինե
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին