15 C
Yerevan
4 Հունիսի, 2020
71430.2 By Google Analytics 04.06.2020
Գլխավոր » Համավարակի դեմ պայքարին օգնելու համար 33 մլն ֆունտ հավաքած 100-ամյա բրիտանացին կստանա ասպետի կոչում
Այլ Լուրեր

Համավարակի դեմ պայքարին օգնելու համար 33 մլն ֆունտ հավաքած 100-ամյա բրիտանացին կստանա ասպետի կոչում

հետևեք մեզ նաև Telegram-ում

Բրիտանացի 100-ամյա վետերան Թոմ Մուրը, ով քայլակի միջոցով բարեգործական մարաթոն անցկացնելով օգնեց հավաքել շուրջ 33 մլն ֆունտ ստերլինգ կորոնավիրուսի դեմ պայքարին աջակցելու համար, կստանա ասպետի կոչում:

BBC-ն տեղեկացնում է, որ ասպետի կոչում տալու առաջարկը կատարել է Մեծ Բրիտանիայի վարչապետ Բորիս Ջոնսոնը:

Թոմ Մուրը Երկրորդ համաշխարհային պատերազմի վետերան է, վերջերս նա ստիպված է եղել անցնել քաղցկեղի բուժում, ինչպես նաև վերականգնել է շարժունակությունը ազդրի կոտրվածքից հետո: Բրիտանացի բժիշկներին շնորհակալություն հայտնելու համար նա որոշեց իր այգում անցկացնել բարեգործական մարաթոն՝  քայլակի միջոցով կատարելով 100 շրջան: Նա նպատակ ուներ հավաքելու հազար ֆունտ, սակայն նվիրատվության չափը շատ ավելին եղավ:

Ապրիլի 30-ին Մուրը նշում էր իր 100-ամյակը և արդեն դարձել էր ազգային հերոս: Իր ծննդյան օրը նրան շնորհվել է գնդապետի պատվավոր կոչում, իսկ բրիտանական օդուժը շնորհավորեց նրան իր տան վրա թռիչքներ կազմակերպելով: Մուրին շնորհավորել էր նաև վարչապետ Բորիս Ջոնսոնը: Այժմ վարչապետը թագուհուն է դիմել Մուրին ասպետի կոչում շնորհելու խնդրանքով: Թագուհին առաջարկը հավանության է արժանացրել:

Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին