36 C
Yerevan
10 Օգոստոսի, 2020
91056 By Google Analytics 09.08.2020
Գլխավոր » Հայաստանը զգալի առաջընթաց է արձանագրել հանքարդյունաբերության ոլորտում. USAID
Այլ Լուրեր

Հայաստանը զգալի առաջընթաց է արձանագրել հանքարդյունաբերության ոլորտում. USAID

հետևեք մեզ նաև Telegram-ում

Հայաստանը զգալի առաջընթաց է արձանագրել հանքարդյունաբերության ոլորտում լավ կառավարման գլոբալ ստանդարտի իրականացման գործում: Այս մասին տեղեկացնում է «USAID Armenia»-ն «Ֆեսյբուք»  սոցիալական ցանցի իր էջում: Նշվում է, որ վերջերս Հայաստանը դարձավ Արդյունահանող ճյուղերի թափանցիկության նախաձեռնության (ԱՃԹՆ/EITI) մասնակից 53 երկրներից  9-րդը, որը ստացել է ամենաբարձր վարկանիշը ԱՃԹՆ-ին անդամակցած երկրների համապատասխանության պահանջները ներկայացնող գլոբալ փաստաթղթի՝ 2016 թվականի ԱՃԹՆ ստանդարտի իրականացման ուղղությամբ:

«2017 թվականին ԱՃԹՆ-ին անդամակցելուց հետո Հայաստանի առաջին վավերացման եզրակացության արդյունքում EITI խորհուրդը իր գոհունակությունն է հայտնել ՀՀ կառավարության և Բազմաշահառու խմբի՝ ԱՃԹՆ-ի ստանդարտի ներդրման գործում օրինակելի առաջընթացի համար: Ընդգծվել է թափանցիկության և կառավարման ջանքերում հանքարդյունաբերության հիմնախնդիրները ներառելու, ԱՃԹՆ-ի գործընթացը Հայաստանում հանքարդյունաբերության ոլորտի թափանցիկության և բարեփոխումների օրակարգում ինտեգրելու և տարբեր շահագրգիռ կողմերի միջև համագործակցությունը խրախուսելով ՝ կառուցողական երկխոսության նախադեպ ձևավորելու ուղղությամբ ջանքերը»,-ասված է հաղորդագրության մեջ:

Հայաստանը դարձել է ԱՃԹՆ թեկնածու երկիր 2017թ. մարտին՝ ԱՄՆ կառավարության քաղաքական և տեխնիկական օժանդակությամբ: ԱՄՆ Միզազգային զարգացման գործակալությունը (ԱՄՆ ՄԶԳ) ուղիղ օժանդակություն է տրամադրել ՀՀ կառավարությանը` ԱՃԹՆ-ին անդամակցելու Հայաստանի դիմումը դյուրացնելու համար և խթանել է մյուս դոնորների աջակցությունը ԱՃԹՆ ջանքերին: ԱՄՆ ՄԶԳ-ի ներկայիս օժանդակությունը կենտրոնացած է ԱՃԹՆ-ի իրականացման գործընթացի վերահսկողություն իրականացնելու՝ քաղաքացիական հասարակության կարողությունների ամրապնդման, ինչպես նաև ԶԼՄ-ների կողմից հանքարդյունաբերության ոլորտի և ԱՃԹՆ գործընթացների լուսաբանման շուրջ:

Նմանատիպ Հոդվածներ

Մեկնարկում է «Պայքարենք COVID-19-ի դեմ դրական վերաբերմունքով» արշավ

Աշխեն

Հանքարդյունաբերությունն իրավական բարեփոխումների կարիք ունի. «ՀՀ»

Սերինե

ՀՀ-ն դարձել է Հանքարդյունաբերության, հանքանյութերի, մետաղների և կայուն զարգացման ֆորումի անդամ

Աշխեն
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին