Գլխավոր » Հանդիպում` Կոլումբիա համալսարանի պրոֆեսոր Ջոն Բիլեզիկյանի հետ
Այլ Լուրեր

Հանդիպում` Կոլումբիա համալսարանի պրոֆեսոր Ջոն Բիլեզիկյանի հետ

հետևեք մեզ նաև Telegram-ում

Առողջապահության նախարարի տեղակալ Լենա Նանուշյանը հանդիպել է Կոլումբիայի համալսարանի պրոֆեսոր Ջոն Բիլեզիկյանին, Օստեոպորոզի միջազգային ֆոնդի գործադիր տնօրեն Ֆիլիպ Հաբութին, նույն կազմակերպության ներկայացուցիչ Ռենե Ռիզզոլիին և Օստեոպորոզի հայկական ասոցիացիայի նախագահ Վարտա Բաբալյանին:

Կողմերը քննարկել են oստեոպորոզի կենտրոնի գործունեության առաջընթացն ու օստեոպորոզի միջազգային ֆոնդի հետ ապագա համագործակցության հնարավորությունները:

Ջոն Բիլեզիկյանը նշել է, որ կենտրոնի նպատակն է աջակցել Հայաստանում գործող առողջապահական ծրագրերին և հիվանդանոցներին` բժիշկներին և հիվանդներին տրամադրելով խորհրդատվություն և տեղեկատվություն օստեոպորոզի վերաբերյալ:

Օստեոպորոզի Միջազգային Ֆոնդի գործադիր տնօրեն Ֆիլիպ Հաբութը շեշտել է, որ իրականացված աշխատանքների հիմնական ուղղությունն առաջնային կանխարգելումն է:

Միաժամանակ, քննարկվել է վիտամին Դ հագեցվածությունն աշխարհում և դրանով պայմանավորված կոտրվածքների կանխարգելման նախագիծը։

Ջոն Բիլեզիկյանը նշել է, որ ցանկություն ունի Հայաստանը դարձնելու օստեոպորոզի ոլորտում տեղեկատվության փոխանակման միջազգային կենտրոն։ Նա նաև ողջունել է առողջապահության նախարարության կատարած քայլերը ծխախոտի դեմ պայքարում:

Լենա Նանուշյանը շնորհակալություն է հայտնել շարունակական աշխատանքների համար և հույս հայտնել, որ համագործակցության շրջանակները կընդլայնվեն:

Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին