20 C
Yerevan
23 Հոկտեմբերի, 2020
107932.8 By Google Analytics 22.10.2020
Գլխավոր » ՀՀ նախագահին հավատարմագրերն է հանձնել Հայաստանում Նիդերլանդների Թագավորության նորանշանակ դեսպանը
Այլ Լուրեր

ՀՀ նախագահին հավատարմագրերն է հանձնել Հայաստանում Նիդերլանդների Թագավորության նորանշանակ դեսպանը

Հանրապետության նախագահ Արմեն Սարգսյանին սեպտեմբերի 23-ին հավատարմագրերն է հանձնել Հայաստանի Հանրապետությունում Նիդերլանդների Թագավորության նորանշանակ դեսպան Նիկոլաս Սխերմերսը:

«Ուրախ եմ լինել Նիդերլանդների առաջին ռեզիդենտ դեսպանը Հայաստանում»,- ասել է Նիկոլաս Սխերմերսը՝ Հայաստանի նախագահին ու ժողովրդին փոխանցելով Նիդերլանդների թագավոր Վիլլեմ-Ալեքսանդրի ողջույններն ու բարեմաղթանքները: Նորանշանակ դեսպանն ասել է, որ ակնկալում է արգասաբեր ու արդյունավետ գործունեության՝ ի շահ երկկողմ փոխգործակցության զարգացման ու ընդլայնման:

Ինչպես տեղեկացրին Հայաստանի Հանրապետության նախագահի աշխատակազմի հասարակայնության հետ կապերի վարչությունից, նախագահ Արմեն Սարգսյանը շնորհավորել է դեսպանին Հայաստանում դիվանագիտական ծառայության անցնելու առթիվ և համոզմունք հայտնել, որ նա իր դիվանագիտական փորձառությունը կծառայեցնի հայ-նիդերլանդական բարեկամական հարաբերությունների առավել ամրապնդմանը:

Իր առաջնային նպատակներից մեկը համարելով երկու երկրների միջև առևտրատնտեսական փոխգործակցության խորացումը՝ դեսպան Սխերմերսն ընդգծել է տարբեր ոլորտներում աշխատող նիդերլանդական ընկերությունների հետաքրքրությունը Հայաստանի նկատմամբ:

Զրուցակիցները մտքեր են փոխանակել տարբեր ուղղություններով համագործակցության հեռանկարների շուրջ: Նախագահ Սարգսյանը մասնավորապես անդրադարձել է ATOM (Advanced Tomorrow) նախագահական նախաձեռնությանը՝ նշելով, որ Հայաստանում գիտության և նոր տեխնոլոգիաների զարգացմանն ուղղված այս նախագծի շրջանակում մեծ ուշադրություն է դարձվելու հատկապես արհեստական բանականության, մաթեմատիկական մոդելավորման, թվային տվյալների կառավարման և մի շարք այլ ոլորտների: Տեղեկացնելով, որ նախաձեռնության շրջանակում համագործակցելու նախնական համաձայնություն կա աշխարհի մի շարք խոշորագույն տեխնոլոգիական ընկերությունների, ինչպես նաև՝ հայտնի համալսարանների ու գիտական կենտրոնների հետ, նախագահ Սարգսյանը նշել է, որ ուրախ կլինեն համագործակցել նաև նիդերլանդական ընկերությունների, համալսարանների և գիտական կենտրոնների հետ:

Նմանատիպ Հոդվածներ

Արմեն Սարգսյանը Ժոզեպ Բորելի հետ քննարկում է ԼՂ-ում տիրող իրավիճակը

Անի Գրիգորյան

Նախագահ Սարգսյանը ստորագրել է ռազմական դրության ժամանակ հարկային արտոնություններ սահմանող օրենքներ

Անի Գրիգորյան

Նախագահ Արմեն Սարգսյանն աշխատանքային այցով մեկնել է Բրյուսել

Անի Գրիգորյան
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին