1 C
Yerevan
27 Նոյեմբերի, 2020
116403.2 By Google Analytics 26.11.2020
Գլխավոր » Հունգարիան հայտնել Է COVID-19-ի դեմ ռուսաստանյան պատվաստանյութը գնելու պայմանը
Աշխարհ

Հունգարիան հայտնել Է COVID-19-ի դեմ ռուսաստանյան պատվաստանյութը գնելու պայմանը

Հունգարիայի իշխանությունները պատրաստ են Ռուսաստանից կամ Չինաստանից գնել կորոնավիրուսի դեմ պատվաստանյութը, եթե ապացուցվի, որ դրանք արդյունավետորեն են պաշտպանում վիրուսից: Այդ մասին հաղորդել Է Reuters գործակալաությունը՝ վկայակոչելով Հունգարիայի վարչապետի վարչակազմի ղեկավար Գ. Գուլյաշին: Վարչապետի վարչակազմի ղեկավարը հայտարարել Է, որ երկրի կառավարությունն առողջապահության բնագավառի տեղի մասնագետներին խնդրել Է ստուգել COVID-19-ի դեմ պատվաստանյութերի արդյունավետությունը, որոնք մշակվել են Ռուսաստանում եւ Չինաստանում:

Նրա խոսքով՝ ԵՄ-ի սխեմայի շրջանակներում Հունգարիան նաեւ պլանավորում Է գնել AstraZeneca բրիտանական ընկերության՝ 13 միլիարդ ֆորինտ (մոտավորապես 42,24 միլիոն դոլար) գումարի 6,5 միլիոն չափաբաժին պատվաստանյութեր: Ռուսաստանի առողջապահության նախարարությունն օգոստոսին գրանցել Է կորոնավիրուսի դեմ աշխարհում առաջին պատվաստանյութը, որը մշակվել Է Գամալեյայի անվան համաճարակաբանության եւ մանրԷաբանության ազգային հետազոտական կենտրոնում (ՀՄԱՀԿ)՝ Ռուսաստանի ուղղակի ներդրումների հիմնադրամի (ՌՈւՆՀ) հետ համատեղ:

Այն ստեղծվել Է մարդու ադենովիրուսային վեկտորների բազայի վրա եւ ստացել Է «Սպուտնիկ V» անվանումը: Դա լուծույթ Է՝ միջմկանային ներարկման համար: Պլանավորում են պատվաստել երկու փուլով՝ երեք շաբաթ ընդմիջումով: Այսպիսի սխեման, հայտարարել են առողջապահության նախարարությունում, թույլ Է տալիս իմունիտետ ձեւավորել մինչեւ երկու տարի ժամկետով: Հոկտեմբերի 22-ին Հունգարիայում մասնագետները գրանցել են կորոնավիրուսով վարակման ռեկորդային ցուցանիշ. մեկ օրում երկրում վիրուս են հայտնաբերել 2032 մարդու մոտ: Ընդամենը Հունգարիայում կորոնավիրուս Է հայտնաբերվել ավելի քան 52 հազար մարդու մոտ, ավելի քան 1,3 հազարը մահացել են, հաղորդել Է ՌԻԱ Նովոստին:

Նմանատիպ Հոդվածներ

Հայաստանում մի քանի կամավոր կպատվաստվի ՌԴ-ից ստացված «Սպուտնիկ V» պատվաստանյութի օրինակներով

Նատա Հարությունյան

COVID-19-ի դեմ Օքսֆորդի պատվաստանյութը լավ արդյունքներ է ցույց տվել տարեցների շրջանում

Անի Գրիգորյան

Կորոնավիրուսի դեմ պատվաստանյութը պարտադիր չի լինի, իսկ տարիքային շեմը կսահմանվի հաշվի առնելով կլինիկական փորձարկումները

Անի Գրիգորյան
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին