Գլխավոր » «Հրապարակ»․ Գյումրին դառնում է քաղաքական գործընթացների լուրջ հարթակ
թերթերի տեսություն

«Հրապարակ»․ Գյումրին դառնում է քաղաքական գործընթացների լուրջ հարթակ

հետևեք մեզ նաև Telegram-ում

«Հրապարակ» օրաթերթը գրել է․ «Գյումրին դառնում է քաղաքական գործընթացների լուրջ հարթակ, այդ է նաեւ պատճառը, որ Նիկոլ Փաշինյանը Անկախության տոնը նշելու է այնտեղ: Արտախորհրդարանական ընդդիմությունը եւս պատրաստություններ է տեսնում այնտեղ` ի դեմս քաղաքական հայտ ներկայացրած «Արմենիա» հեռուստաընկերության նախկին պրոդյուսեր Ռուբեն Մխիթարյանի: Որոշել են առանձին «վերցնել» քաղաք Գյումրին, շենացնել եւ դարձնել պատմական-ինդուստրիալ քաղաքի էտալոն, «օր հասկըցնի՝ Հայաստանն էլ կըռնանք ըդպես շենացնել»,- ասաց գյումրեցի մեր զրուցակիցը:

Ընդ որում՝ խոսում են, որ Սամվել Բալասանյանը եւս թիմի «ներկայացուցիչ» կդառնա, վաղաժամկետ հրաժարական կտա. նրա որդին եւս այդ թիմի հետ սերտ համագործակցում է: Պայքարի մեջ են նաեւ մնացյալ քաղաքական ուժերը` «Իմ քայլը», ԲՀԿ-ն, «Լուսավորը»։ Վերջինիս նախկինում օգնում էր Գյումրիից պատգամավոր ընտրված Արման Սահակյանը: Լուրջ շարժերի մեջ է նաեւ Գյումրվա նախկին քաղաքապետ Վարդան Ղուկասյանը։ Ձեր անունը եւս տրվում է ապագա քաղաքապետի թեկնածուների մեջ՝ ասացինք նրան: «Ո՞վ կըսե»: Բարի լեզուները։ «Օ՜, հլը ե՛ս չիդեմ, ընոնք գիդե՞ն։ Դուք գիդե՞ք` վաղը կենդանի եք մնալու։ Սպասի կենդանի մնանք` Աստված օղորմած է»: Եթե մնացիք կենդանի, կդնե՞ք Ձեր թեկնածությունը։ «Կուզեմ այս պահին քաղաքականությունից հեռու մնամ, որովհետեւ շատ վատ մարդիկ կզբաղվին քաղաքականությամբ»: Իսկ ճի՞շտ է, որ Դուք ուզում եք ԲՀԿ-ից դուրս գալ։ «Չէ, սուդ է»: Գյումրուց «Իմ քայլի» պատգամավոր Նազելի Բաղդասարյանին եւս հարցրինք` Ձեր անունն էլ է շրջանառվում քաղաքապետի ապագա թեկնածուների ցանկում. կմասնակցե՞ք։ «Քաղաքապետի ընտրությունները 2 տարի հետո են` հոկտեմբերին։ Եթե վաղաժամ զարգացումներ չլինեն, երկու տարին շատ հեռու է, այնպես որ՝ վաղաժամ է այդ մասին խոսելը»»:    

Մանրամասները՝ «Հրապարակ» օրաթերթի այսօրվա համարում։

Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին