28 C
Yerevan
9 Հուլիսի, 2020
83516.8 By Google Analytics 08.07.2020
Գլխավոր » «Հրապարակ». «Իմ քայլում» արդեն պատրաստվում են. Արայիկ Հարությունյանի չազատված աթոռի հավակնորդներ կան
թերթերի տեսություն

«Հրապարակ». «Իմ քայլում» արդեն պատրաստվում են. Արայիկ Հարությունյանի չազատված աթոռի հավակնորդներ կան

հետևեք մեզ նաև Telegram-ում

«Հրապարակ» թերթը գրում է. «Արայիկի հրաժարականի «ավետիսը» ոչ այնքան հակահեղափոխականների մոտ է աժիոտաժ առաջացրել, որքան մեր թիմում»,- ասաց «Իմ քայլի» մեր աղբյուրը: Ի՞նչ նկատի ունեք։ «Արայիկը Նիկոլի համար Վանեցյան, Օսիպյան չէ, նա նրա «սմերտնիկն» է, ու ոչ մի գնով Նիկոլը նրան չի հանձնի, բայց ոնց երեւում է` ՀՅԴ-ն ու «կից» ուժերը ձեռ չեն քաշելու, այդ իսկ պատճառով թիմում արդեն պատրաստություններ են տեսնում` Արայիկի տեղը զբաղեցնելու։

Ամենաակտիվն Արարատ Միրզոյան-Վահան Կոստանյան-Հովհաննես Հովհաննիսյան տրիադան է, որ ցանկանում է նախարար դարձնել Հովհաննես Հովհաննիսյանին։ Թվացյալ ցուցադրում են, թե պաշտպանում են Արայիկին, իրականում շատ նուրբ բզբզում են։

Մյուս խումբը սորոսականներն են. սրանք էլ «բրթում» են փոխնախարար Արեւիկ Անափիոսյանին։ Արայիկն այդ ամենը հասկանում է ու դրանից ավելի վատ է զգում, քան «անդաստիարակ» ՀՅԴ-ից, չնայած իր թեւը` Արսեն Թորոսյանի գլխավորությամբ, նույնպես ձեռները ծալած չի նստել, անում է ամեն ինչ, որ հանկարծ Արայիկը հրաժարական չտա․ չմոռանանք, որ Արսենին նախարար է բերել Արայիկը»:

ԿԳՄՍ փոխնախարար Արեւիկ Անափիոսյանը հարցին, թե հրաժարականի դեպքում նախարարի հավանական թեկնածուներից մեկը ի՞նքն է, ասաց. «Արայիկ Հարությունյանի թեման ընդհանրապես չի քննարկվում. պետք չէ նման հարցադրում անել»: Ասում են` երբեք մի ասա՝ երբեք։ «Ես Ձեզ վստահեցնում եմ, որ պարոն Հարությունյանի հրաժարականի մասին խոսք լինել չի կարող` անգամ հեռավոր օրակարգում»:

Բայց չէ որ ձեր թիմն ասել է` ժողովրդի կարծիքը ձեզ համար ամենակարեւորն է։ «Ժողովուրդն իր կամքն արտահայտել է 2018-ի դեկտեմբերի ընտրություններին, որի հիմքով ձեւավորվել է կառավարություն: Ես չեմ կարծում, որ բողոքավորները ողջ ժողովուրդն են»:

Նմանատիպ Հոդվածներ

«Իմ քայլը» հիմնադրամը լուծում է Գյումրու խնամքի կենտրոնի տարեցների ատամնաբուժական խնդիրները

Սերինե

«Իմ քայլը» ՍԴ նախագահի և 3 դատավորի լիազորությունների դադարեցման հիմք սահմանող նախագիծ է մշակել

Սերինե

Հայաստանի քաղաքական երկնակամարում ավարտվեց ևս մեկ կարևոր դարաշրջան․Հովհաննես Հովհաննիսյան

Սերինե
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին