Գլխավոր » Մեկնարկել է «Երկրաշարժի զոհերի հիշատակի և աղետների դիմակայունության օր» խորագրով միջոցառումների շարքը
Այլ Լուրեր

Մեկնարկել է «Երկրաշարժի զոհերի հիշատակի և աղետների դիմակայունության օր» խորագրով միջոցառումների շարքը

հետևեք մեզ նաև Telegram-ում

1988 թվականի Սպիտակի աղետալի երկրաշարժը միավորեց աշխարհի ավելի քան 113 երկրների, որոնք օգնության ձեռք մեկնեցին հայ ժողովրդին` հաղթահարելու այդ աղետալի երկրաշարժի հետևանքները:

Սպիտակի երկրաշարժի հետևանքներից քաղված դասերը հիմք հանդիսացան լուրջ կառուցվածքային, ինստիտուցիոնալ և կազմակերպչական փոփոխությունների մեկնարկի համար: 

Սպիտակի երկրաշարժի երեսունմեկերորդ տարելիցի կապակցությամբ հանրապետության բոլոր մարզերում և Երևան քաղաքում ԱԻՆ փրկարարների մասնակցությամբ և աջակցությամբ, դեկտեմբերի 2-ից 7-ը պետական կառավարման համակարգի, տեղական ինքնակառավարման մարմինների, կազմակերպությունների ներգրավմամբ կանցկացվեն 991 միջոցառումներ, սեմինարներ և վարժանքներ, իսկ հանրապետության 38 համայնքներում` հրշեջ-փրկարարական գույքի ցուցադրություն:

Միջոցառումներն անց են կացվելու պետական կառավարման համակարգի մարմիններում, հանրակրթական և բարձրագույն ուսումնական հաստատություններում, որը կարևոր քայլ է հասարակության շրջանում դիմակայունության մշակույթ ձևավորելու ուղղությամբ:

Այսօր՝ դեկտեմբերի 2-ին, դասընթացներ և վարժանքներ են անցկացվել Արդարադատության նախարարության «Պաշտոնական տեղեկագիր» ՓԲԸ-ի աշխատակիցների և Արմավիրի մարզի Արմավիր քաղաքի թիվ 8 նախաուսումնական հաստատության կրթադաստիարակչական կազմի և երեխաների համար, իսկ Իջևանի թիվ 1 մանկապարտեզում անցկացվել է «Տարհանման իրականացում» թեմայով գործնական պարապմունք:

 

Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին