24 C
Yerevan
9 Հուլիսի, 2020
83244.8 By Google Analytics 07.07.2020
Գլխավոր » Նպատակը ոչ թե պատժելն է, այլ քաղաքացիական գիտակցությունը բարձրացնելը. վարչապետը՝ տուգանքների մասին
Այլ Լուրեր

Նպատակը ոչ թե պատժելն է, այլ քաղաքացիական գիտակցությունը բարձրացնելը. վարչապետը՝ տուգանքների մասին

հետևեք մեզ նաև Telegram-ում

Հայաստանում կորոնավիրուսի իրավիճակում կառավարության նպատակը ոչ թե պատժելն է, այլ քաղաքացիական գիտակցությունը բարձրացնելը: Այս մասին առցանցում ճեպազրույցում ասաց ՀՀ վարչապետ Նիկոլ Փաշինյանը՝ պատասխանելով «Արմենպրես»-ի հարցին, թե վարչապետի կողմից պատկան մարմիններն ինչպիսի՞ հանձնարարականներ են ստացել, ի՞նչ քայլերի անհրաժեշտություն է տեսնում՝ հասարակական գիտակցության մեջ դիմակի կրման, սոցիալական հեռավորության և հիգիենայի պարտադիր կանոնների պահպանման արմատավորման համար:

«Բոլորը պետք է հասկանան, որ պարետատան սահմանած կանոնների խախտումը բերելու է անխուսափելի պատասխանատվության: Եվ դա վերաբերվում է և ուղևորներին, և վարորդներին, և ձեռնարկատերերին, և պետական հիմնարկների աշխատողներին: Այս մասով մենք վարչական լծակներ պետք է գործադրենք և դրա շրջանակը ընդլայնենք: Եվ սրա նպատակը ոչ թե պատժելն է, այլ օգնելը, քաջալերելը, ինչ-որ տեղ վարչական լծակ գործադրելը, որ քաղաքացիական գիտակցության մակարդակը բարձրանա»,-ասաց Փաշինյանը:

Նա նաև տեղեկացրեց, որ  այս ընթացքում տասնյակ, եթե ոչ հարյուրավոր հիմնարկ-ձեռնարկություններ են փակվել, հարյուրավոր քաղաքացիներ տուգանվել: Մայիսի 26-ից ռեյդերի պրակտիկա է կիրառվում: «Այսօր առավոտյան միայն մեկ վարչական շրջանում 2 ժամվա գործողության ընթացքում 35 տաքսի մեքենայի վարորդ է ենթարկվել պատասխանատվության, տրանսպորտային տասնյակ միջոցների վարորդներ են ենթարկվել պատասխանատվության: Երեկ Կասկադի ամբողջ սրճարաններն ու ռեստորանները փակվեցին: Եվ մենք, այո, այս առումով գնալու ենք շատ խիստ մեթոդների»,-նշեց վարչապետը:

Պարետ, փոխվարչապետ Տիգրան Ավինյանը տեղեկացրեց, որ վերջին օրերին սահմանափակումները տնտեսվարողների նկատմամբ ծավալային առումով շեշտակի աճել են: «Կանոնների պահպանումն, իհարկե, բխում է հենց նույն տնտեսվարողների և այն անձանց շահերից, որոնք, օրինակ, առևտուր են անում: Ինչպես վարչապետն ասաց՝ մեր նպատակը պատժելը և տուգանելը չէ, մեր նպատակն է, որ նոր վարքագիծ ձևավորվի, և այդ վարքագիծը դառնա նոր նորմալ»,-ասաց Ավինյանն ու նշեց՝ այդ վարքագիծը թույլ կտա նվազագույնի հասցնել համապատասխան տնտեսվարողների մոտ վարակի տարածման հավանականությունը:

Պարետի խոսքով՝ օրական նմանատիպ սահմանափակումներ կիրառվում են մոտ 100-ից ավելի տնտեսվարողների մոտ: Նա հույս հայտնեց, որ այդ թիվը ժամանակի ընթացքում կնվազի, ոչ թե կաճի:

Նմանատիպ Հոդվածներ

Վարչապետն այցելել է Հայաստանում բացված «Կալաշնիկով» ինքնաձիգի արտադրամաս

Սերինե

Ամենայն հավանականությամբ արտակարգ դրության ժամկետը կերկարաձգվի. ՀՀ վարչապետ

Սերինե

Հայաստանում առաջին անգամ կատարվել է պետական պաշտոնի նշանակման ենթակա թեկնածուների բարեվարքության ուսումնասիրություն. վարչապետ

Սերինե
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին