22 C
Yerevan
20 Սեպտեմբերի, 2020
98630.4 By Google Analytics 19.09.2020
Գլխավոր » Պարտավոր ենք ապրել բնության հետ ներդաշնակ. Ռոմանոս Պետրոսյանը հորդորներ է հղել քաղաքացիներին
Այլ Լուրեր

Պարտավոր ենք ապրել բնության հետ ներդաշնակ. Ռոմանոս Պետրոսյանը հորդորներ է հղել քաղաքացիներին

Շրջակա միջավայրի նախարար Ռոմանոս Պետրոսյանը քաղաքացիներին խնդրում և հորդորում է հոգատար վերաբերմունք ցույց տալ բնության և շրջակա միջավայրի նկատմամբ: Պետրոսյանը «Ֆեյսբուք»-ի իր էջում նշել է նաև նախարարության կողմից իրականացվող աշխատանքների մասին:

«Սիրելի՛ քաղաքացիներ, խնդրում և հորդորում եմ՝ հանգստյան օրերին, և առհասարակ, ձեր կենսագործունեության ընթացքում, գտնվելով բնության գրկում և այցելելով մեր անզուգական բնաշխարհի գողտրիկ անկյուններ ու բնական հուշարձաններ, դրսևորեք բարձր քաղաքացիական գիտակցություն և սրտացավ ու հոգատար մոտեցում ցուցաբերեք մեր բնական հարստություններին և ո՛չ մի պարագայում աղբ մի՛ նետեք այդ միջավայր, որևէ դեպքում մի՛ վնասեք շրջակա միջավայրի կենսաբազմազանությունն ու դրանով՝ մի՛ խաթարեք բնական միջավայրի ներդաշնակ ու անխաթար համակեցությունն ու զարգացումը մեր կողքին»,- գրել է նախարարը:

Պետրոսյանը նշել է, որ բոլորը պարտավոր են ապրել բնության հետ ներդաշնակ՝ համակեցության հույժ պատասխանատու կանոններով ու մեր կենսակերպի՝ խիստ անվնաս վարքուբարքով՝ առ շրջակա միջավայր։

«Իմ մասով տեղեկացնում եմ, որ արդեն իսկ ամբողջապես կասեցվել են Բնության Հատուկ Պահպանվող Տարածքներում (ԲՀՊՏ) և «ՀայԱնտառի» տարածքներում հողամասերի՝ վարձակալության կամ կառուցապատման իրավունքով տրամադրման բոլոր գործընթացները, ամբողջապես դադարեցվել են Սևանա լճի ողջ առափնյա հատվածում՝ «Սևան ազգային պարկի» հողատարածքների՝ վարձակալության կամ կառուցապատման իրավունքով տրամադրման բոլոր գործընթացները, մեկնարկել ենք վերոնշյալ գոտիներում մինչ այժմ տրամադրված հողատարածքների տնօրինման պայմանագրերի ուսումնասիրությունները (դրանք մի քանի հազար են)՝ պայմանագրային պարտավորությունների, ինչպես նաև բնապահպանական, քաղաքաշինական ու հողաշինական նորմերի խախտումների դեպքում այդպիսիներն աներկբայորեն կչեղարկվեն՝ միակողմխնի կամ դատական կարգով»,- նշել է Պետրոսյանը:

Նախարարը հավելել է, որ օգոստոսի 15-ին էլ աշխատանքային շրջայց է կատարում «Դիլիջան ազգային պարկում»։

Նմանատիպ Հոդվածներ

Ափամերձ անտառաշերտը հատուկ տեխնիկայի և ձեռքի աշխատանքի օգնությամբ մաքրվում է ծառերից, թփերից. Ռոմանոս Պետրոսյան

Նատա Հարությունյան

Անտառպահպանմանն ուղղված ծրագրերը ՀՀ բնապահպանական քաղաքականության կարևոր խնդիրներից են․ՇՄ նախարար

Նատա Հարությունյան

Ռոմանոս Պետրոսյանը հանձնարարել է բացառել կարմիրգրքյան բուսատեսակները վնասելու դեպքերը

Նատա Հարությունյան
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին