7 C
Yerevan
28 Նոյեմբերի, 2020
116777.6 By Google Analytics 27.11.2020
Գլխավոր » ՌԴ-ն ակնկալում է կողմերի հետ շփումներով ապահովել ԼՂ գոտում կրակի դադարեցման համաձայնության կատարումը
Այլ Լուրեր

ՌԴ-ն ակնկալում է կողմերի հետ շփումներով ապահովել ԼՂ գոտում կրակի դադարեցման համաձայնության կատարումը

Ռուսաստանի Դաշնության արտաքին գործերի նախարար Սերգեյ Լավրովը ՀՀ արտաքին գործերի նախարար Զոհրաբ Մնացականյանի հետ հանդիպմանը կարևորեց հոկտեմբերի 10-ին եռակողմ ձևաչափով ձեռք բերված պայմանավորվածության կատարումը` Լեռնային Ղարաբաղի հակամարտության գոտում կրակի դադարեցման վերաբերյալ: Ինչպես տեղեկացնում է «Արմենպրես»-ը, ՌԴ ԱԳ նախարար Սերգեյ Լավրովը նկատեց՝ հումանիտար նպատակով կրակի դադարեցման պայմանավորվածությունը լիարժեք չի պահպանվում, ԼՂ հակամարտության գոտում մարտական գործողությունները շարունակվում են:

«ՌԴ նախագահ Վլադիմիր Պուտինի նախաձեռնությամբ անցած ուրբաթ և շաբաթ օրվա մի մասը մենք անցկացրել ենք միասին այս շենքում՝ մեր ադրբեջանցի գործընկերոջ հետ, կարևոր պայմանավորվածություն է ձեռք բերվել: Մենք տեսնում ենք, որ այդ պայմանավորվածությունը լիարժեք չի պահպանվում, և մարտական գործողությունները շարունակվում են: Մենք ակնկալում ենք, որ շփումները, և ձեզ հետ, և Ադրբեջանի հետ,  այդ թվում պաշտպանության նախարարությունների միջոցով, թույլ կտա ապահովել եռակողմ ձևաչափով ձեռք բերված պայմանավորվածությունների կատարումը»,- ընդգծեց Լավրովը:

Արցախի հետ շփման գծի ողջ երկայնքով սեպտեմբերի 27-ի վաղ առավոտյան Ադրբեջանն ակտիվ հրետակոծություն է սկսել: Հրետակոծվում են նաև խաղաղ բնակավայրերը, այդ թվում՝ մայրաքաղաք Ստեփանակերտը, Շուշին, խոշոր քաղաքները, ինչի հետևանքով Արցախի տարբեր շրջաններում զոհվում են քաղաքացիական անձինք: Շփման գծի ողջ երկայնքով ընթացել են համառ մարտեր, երկու կողմն ունեն մարդկային ուժի և սպառազինության կորուստներ. ադրբեջանական կորուստները մի քանի անգամ գերազանցում են հայկական կողմինը: Ադրբեջանի ԶՈՒ-ն թիրախավորել է նաև ՀՀ զինվորական և քաղաքացիական ենթակառուցվածքները: Հայտնաբերվել են Թուրքիայի ներգրավվածության, Սիրիայից վարձկանների տեղափոխման և Արցախի դեմ օգտագործմանփաստեր:

Ադրբեջանը անտեսել է հոկտեմբերի 10-ից Ռուսաստանի միջնորդությամբ համաձայնեցված կրակի դադարեցման ռեժիմը՝ ոտնահարելով իր պայմանավորվածությունները և շարունակելով ինչպես խաղաղ բնակավայրերի, մեծ քաղաքների հրթիռակոծումը, այնպես էլ շփման գծի հյուսիսային և հարավային ուղղություններով հարձակումներն ու հրետակոծությունները: Հոկտեմբերի 10-ից մեծաքանակ հարձակման տակ է Հադրութը: Մարտերը շարունակվում են: 

Նմանատիպ Հոդվածներ

ՌԴ-ն վերահաստատում է աջակցությունը եղբայրական հայ ժողովրդին. վարչապետն ընդունել է ՌԴ կառավարական պատվիրակությանը

Նատա Հարությունյան

ՌԴ կառավարությունում մտադրվել են մի քանի գերատեսչություններ փակել

Անի Գրիգորյան

Վարչապետը վստահեցնում է՝ Ղարաբաղի հարցում ՌԴ-ի դիրքորոշումը վերջին 4,5 տարվա ընթացքում ոչ մի փոփոխություն չի կրել

Նատա Հարությունյան
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին