29 C
Yerevan
28 Սեպտեմբերի, 2020
100915.2 By Google Analytics 27.09.2020
Գլխավոր » Ստուգումներ Շիրակի մարզում «ՀԷՑ»-ի և «Գազպրոմ Արմենիա»-ի մասնաճյուղերում. Տեսչական մարմնի տվյալները
Այլ Լուրեր

Ստուգումներ Շիրակի մարզում «ՀԷՑ»-ի և «Գազպրոմ Արմենիա»-ի մասնաճյուղերում. Տեսչական մարմնի տվյալները

2020 թվականի առաջին կիսամյակում ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավարի հանձնարարագրերով Շիրակի տարածքային բաժնի մասնագետները էներգետիկայի և էներգասպառման բնագավառի անվտանգության պահանջների պահպանման վերաբերյալ  ստուգումներ են իրականացրել մարզի թվով 5 կազմակերպություններում։ Ինչպես տեղեկացրեցին ՀՀ քաղաքաշինության, տեխնիկական և հրդեհային անվտանգության տեսչական մարմնից, ստուգումների արդյունքում հայտնաբերվել են նորմատիվ իրավական փաստաթղթերի պահանջների մի շարք խախտումներ ու թերացումներ:

Մանսավորապես՝ «ՀԷՑ» ՓԲԸ-ի Ղարս մասնաճյուղում՝ առանց ՀՀ քաղաքաշինության, տեխնիկական և հրդեհային անվտանգության տեսչական մարմնից ստացված գործարկման եզրակացության, գործարկվել է տրանսֆոմատորային ենթակայան։ Ստուգման արդյունքում չեն ներկայացվել պատահարների քննությունների վերաբերյալ արձանագրությունները, էլեկտրակայանքներում բացակայել են շինմոնտաժային կազմակերպությունների կողմից կատարված աշխատանքների վերաբերյալ համատեղ ձևակերպված ակտ-թույլտվությունները:

«Գազպրոմ Արմենիա» ՓԲԸ-ի Շիրակի ԳԳՄ-ում՝ առանց տեսչական մարմնից ստացված գործարկման եզրակացության, գործարկվել են թվով 7 էներգատեղակայանքներ։ Արձանագրվել են մի շարք թերություններ ու բացթողումներ՝ կապված աշխատանքերը փաստաթղթերով ձևակերպելու և ներկայացնելու կատարման հետ:

Վերոնշյալ խախտումների վերաբերյալ կազմվել են արձանագրություններ, կիրառվել վարչական պատասխանատվության միջոցներ։ Խախտումներ թույլ տված կազմակերպություններին տրվել են նաև ցուցումներ ու կարգադրագրեր, սահմանվել ժամկետներ՝ արձանագրված թերությունները վերացնելու համար։

Կան նաև կազմակերպություններ, որոնց մոտ ստուգումների արդյունքում էական խախտումներ չեն հայտնաբերվել, սակայն  մասնակի թերությունները վերացնելու համար տրվել են կարգադրագրեր։

Նշենք նաև, որ Շիրակի տարածքային բաժնի մասնագետների կողմից իրականացվել են իրազեկման և խորհրդատվական աշխատանքներ։ 

Նմանատիպ Հոդվածներ

Կառավարության կողմից հատկացված ՈՒԱԶ ամենագնաց մեքենաներն արդեն Շիրակի մարզում են

Անի Գրիգորյան

Շիրակի մարզն այս տարի ունի 3075 առաջին դասարանցի

Անի Գրիգորյան

Շուկայի վերահսկողության տեսչական մարմինը մշտադիտարկում է իրականացրել Շիրակի մարզում

Նատա Հարությունյան
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին