20 C
Yerevan
29 Սեպտեմբերի, 2020
101062.4 By Google Analytics 27.09.2020
Գլխավոր » Տեսչական մարմինն ավելի է խստացրել վերահսկողությունը մայրաքաղաքի Կենտրոն վարչական շրջանում
Այլ Լուրեր

Տեսչական մարմինն ավելի է խստացրել վերահսկողությունը մայրաքաղաքի Կենտրոն վարչական շրջանում

ՀՀ քաղաքաշինության, տեխնիկական և հրդեհային անվտանգության տեսչական մարմնի մասնագետները ՀՀ ՃՈ ծառայողների հետ համատեղ օգոստոսի 12-ին շարունակել են ուժեղացված վերահսկողություն իրականացնել Երևանի տարբեր վարչական շրջաններից Կենտրոն վարչական շրջան մուտք գործող հանրային տրանսպորտի գործունեության նկատմամբ՝ ՀՀ պարետի համապատասխան որոշումներով սահմանված անվտանգության կանոնների պահպանմանը հետևելու նպատակով։ Ինչպես տեղեկացրեցին ՀՀ կառավարությունից, վերահսկողությունն իրականացվել է և՛ շրջիկ խմբերի միջոցով, և՛ կանգառի կետերում։

Մասնավորապես՝ Բաղրամյանի, Մաշտոցի պողոտաներում, Ծովակալ Իսակովի պողոտայում՝ Երևանի կենտրոնական «Կիլիկիա» ավտոկայանի տարածքում իրականացված վերահսկողական աշխատանքների արդյունքում մարդատար տաքսի ավտոմոբիլներով ուղևորափոխադրում իրականացնող տրանսպորտային միջոցներում խախտումներ չեն հայտնաբերվել։

Կանոնավոր երթուղիներում ուղևորափոխադրում իրականացնող տրանսպորտային միջոցներում հայտնաբերվել են մի շարք տրանսպորտային միջոցներ, որոնք իրականացրել են փոխադրումներ՝ սահմանված քանակից ավելի ուղևորների նստեցումով։ Արձանագրված խախտումների դեպքերով կազմվել են վարչական իրավախախտման վերաբերյալ արձանագրություններ։

Տեսչական մարմնի մասնագետները մշտադիտարկումների և վերահսկողության հետ համատեղ իրականացրել են նաև լայնածավալ բացատրական և իրազեկման աշխատանքներ, տվել պարտադիր կատարման ցուցումներ։

Կորոնավիրուսի տարածումը կանխարգելելու նպատակով մշտադիտարկումները և վերահսկողական աշխատանքներն ակտիվ շարունակվում են նաև այլ վարչական շրջաններում և մարզերում։

Նմանատիպ Հոդվածներ

ՀՀ կրթության տեսչական մարմինը մշտադիտարկումներ է իրականացնում մայրաքաղաքի մանկապարտեզներում

Նատա Հարությունյան

Տեսչական մարմինը 24 և 48 ժամերով կասեցրել է 9 տրանսպորտային միջոցի գործունեություն

Անի Գրիգորյան

Տեսչական մարմինը խախտումներ է հայտնաբերել Երևանի տաքսիներում և հասարակական տրանսպորտում

Անի Գրիգորյան
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին