27 C
Yerevan
11 Հուլիսի, 2020
83942.4 By Google Analytics 10.07.2020
Գլխավոր » Քննարկվել են ընդունելության քննությունների կազմակերպչական հարցերը
Այլ Լուրեր

Քննարկվել են ընդունելության քննությունների կազմակերպչական հարցերը

հետևեք մեզ նաև Telegram-ում

ՀՀ կրթության, գիտության, մշակույթի և սպորտի նախարար Արայիկ Հարությունյանն աշխատանքային քննարկում է անցկացրել հուլիսի առաջին տասնօրյակում անցկացվելիք ընդունելության քննությունների կազմակերպչական հարցերի վերաբերյալ: Այս մասին հայտնեցին ՀՀ ԿԳՄՍ նախարարությունից։

Մինչև քննարկման բովանդակային մասին անցնելը, ԿԳՄՍ նախարարը շնորհակալագրեր է հանձնել դիմում-հայտերի առցանց հարթակի` dimord.am կայքի ստեղծման մասնագիտական թիմի ներկայացուցիչներին: Նախարարը շնորհակալություն է հայտնել Գնահատման և թեստավորման կենտրոնի մասնագետներին` նշելով, որ չնայած սեղմ ժամկետներին, նրանց հաջողվել է ստեղծել տեխնիկական բավարար լուծումներով կայք, որի շնորհիվ հնարավոր է եղել համավարակի պայմաններում ապահովել դիմորդների հայտերն առցանց եղանակով համակարգ մուտքագրելն ու բուհերի ընդունելության գործընթացը բնականոն կազմակերպելը:

ԳԹԿ պատասխանատուները ներկայացրել են ընդունելության միասնական քննությունների կազմակերպչական աշխատանքների ընթացքը: Նշվել է, որ կենտրոնացված քննությունների անցկացման համար ձևավորվել է 47 քննական կենտրոն, որոնցից 17-ը՝ Երևանում, մնացածը՝ մարզերում: Համեմատության համար նշենք, որ անցյալ տարի հանրապետությունում ստեղծվել էր 33 քննական կենտրոն, որից 10-ը՝ Երևանում:

Քննություններից մեկ օր առաջ Արտակարգ իրավիճակների նախարարության համապատասխան ծառայությունը կախտահանի քննական բոլոր կենտրոնները, քննական օրերին դիմորդներն ու կազմակերպչական աշխատակազմը պարտադիր կջերմաչափվեն: Համապատասխան վերահսկողություն կիրականացնեն նաև առողջապահության նախարարության և ոստիկանության ներկայացուցիչները:

Ա.Հարությունյանը հանձնարարել է նաև ձեռնարկել անհրաժեշտ բոլոր միջոցառումները քննությունների ընթացքում դիմորդների և կազմակերպչական աշխատանքներ իրականացնող անձնակազմի վարակման ռիսկերը չեզոքացնելու և անվտանգության կանոնները պահպանելու ուղղությամբ:

Նմանատիպ Հոդվածներ

Հայաստանում մեկնարկել են միասնական քննությունները․ օտար լեզվի քննությանը մասնակցելու է 2102 դիմորդ

Սերինե

Ոստիկանապետը ծառայողական քննություն է նշանակել լրագրողների հետ տեղի ունեցած միջադեպի առնչությամբ

Ani Grigoryan

Քննության գնահատականի փոխարեն՝ «հանձնեցիր, թե չհանձնեցիր». «ՀԺ»

Սերինե
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին