29 C
Yerevan
28 Սեպտեմբերի, 2020
100934.4 By Google Analytics 27.09.2020
Գլխավոր » «1000+» հիմնադրամը հատկացումներ կտրամադրի զոհված և հաշմանդամություն ունեցող զինծառայողներին
Այլ Լուրեր

«1000+» հիմնադրամը հատկացումներ կտրամադրի զոհված և հաշմանդամություն ունեցող զինծառայողներին

Զինծառայողների ապահովագրության հիմնադրամի ակտիվների և պարտավորությունների կառավարման հանձնաժողովը 2020 թվականի հուլիսի 24-ին կայացած նիստում որոշում է կայացրել սահմանված կարգով հատկացումներ տրամադրել զոհված և հաշմանդամություն ունեցող զինծառայողներին։

Այս մասին տեղեկացնում են Զինծառայողների ապահովագրության հիմնադրամից։

«Հատկացումներ կտրամադրվեն 2018–2020թթ․տեղի ունեցած 5 դեպքի մասով՝ երեք զոհված զինծառայողի ընտանիքի անդամներին և երկու 2-րդ կարգի հաշմանդամություն ունեցող զինծառայողների, ինչպես նաև 2015-2016 թթ. տեղի ունեցած 4 դեպքի մասով՝ 3 զոհված զինծառայողների ընտանիքի անդամներին և մեկ 2-րդ կարգի հաշմանդամություն ունեցող զինծառայողի։ Պայմանագրային զինծառայողներ Զոհրաբ Գևորգի Սիանոսյանի, Արթուր Մարտունի Նալբանդյանի, Հայկազ Բաբկենի Մաթևոսյանի ընտանիքի անդամներին կփոխանցվի միանվագ 10 միլիոն ՀՀ դրամ և 20 տարվա ընթացքում կտրամադրվի ամսական 250 000 ՀՀ դրամ: Իսկ 2-րդ կարգի հաշմանդամություն ունեցող զինծառայողներ Ռաֆայել Վաղարշակի Ազիզյանին և Արտակ Վլադիկի Օհանյանին կփոխանցվի միանվագ 5 միլիոն ՀՀ դրամ և 20 տարվա ընթացքում կտրամադրվի ամսական, համապատասխանաբար, 200 000 ՀՀ դրամ և 150 000 ՀՀ դրամ: Արթուր Մարտունի Նալբանդյանի ընտանիքին և Արտակ Վլադիկի Օհանյանին լրացուցիչ կտրամադրվի ամսական 100 000 ՀՀ դրամ օրենքով սահմանված կարգով՝ մինչև ավագ երեխայի չափահաս դառնալը»,- նշում են հիմնադրամից:

2015-2016թթ. տեղի ունեցած դեպքերի մասով հիմնադրամը զինծառայողներին և նրանց ընտանիքներին կտրամադրի ամսական հատուցումներ՝ 20 տարվա կտրվածքով, որոնց չափը կկազմի հիմնադրամի կողմից օրենքով սահմանված վճարվող ամսական հատուցումների և զինծառայողներին արդեն իսկ վճարվող պետական կենսաթոշակային ապահովության շրջանակներում վճարվող ընդհանուր գումարի դրական տարբերությունը:

Համաձայն «Հայբիզնեսբանկ» ՓԲԸ-ի, «Կոնվերսբանկ» ՓԲԸ-ի և «Արցախբանկ» ՓԲԸ-ի հետ կնքված պայմանագրերի՝ գումարները փոխանցվելու են շահառուների համար բացված հատուկ բանկային հաշիվներին, որոնք սպասարկվում են անվճար:

Նմանատիպ Հոդվածներ

«Իմ քայլը» հիմնադրամը արտերկրի բուհերում ուսանելու համար կրթաթոշակներ է շնորհել հայ երիտասարդներին

Նատա Հարությունյան

«Իմ քայլը» հիմնադրամը գալա-ընթրիքի ընթացքում հավաքել է ավելի քան 700 միլիոն դրամ

Diana Amirkhanyan

Ճապոնիայի կառավարությունը ավելի քան 46 հազար դոլար դրամաշնորհ տրամադրեց «Երևան իմ սեր» հիմնադրամին

Սերինե
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին