3 C
Yerevan
29 Փետրվարի, 2020
Գլխավոր » 2019 թվականին Արցախի Հանրապետական բժշկական կենտրոնի անգիոգրաֆիայի բաժանմունք է դիմել 511 քաղաքացի
Սոցիալական

2019 թվականին Արցախի Հանրապետական բժշկական կենտրոնի անգիոգրաֆիայի բաժանմունք է դիմել 511 քաղաքացի

հետևեք մեզ նաև Telegram-ում

Արցախի Հանրապետության առողջապահության նախարարության Հանրապետական բժշկական կենտրոնի անգիոգրաֆիայի բաժանմունք է դիմել 511 քաղաքացի, որոնցից 358-ը ենթարկվել է  սրտի կորոնար անոթների անգիոգրաֆիկ հետազոտության, 181 հիվանդի տեղադրվել է 226 ստենտ:

Ինչպես հայտնեցին Արցախի Հանրապետության առողջապահության նախարարությունից, տարվա կտրվածքով «Stent for life» ծրագրի շրջանակներում 90 սրտամկանի սուր ինֆարկտով հիվանդի կատարվել է ստենտավորում մեկ «դեղապատ» ստենտով` բացարձակապես պետական պատվերի շրջանակներում:Արցախում սրտի անհետաձգելի վիրահատության «Stent for life» ծրագրի զարգացման նպատակով` մարտի 1-ից անվճար, պետական պատվերի շրջանակներում մեկ «ոչ դեղապատ» ստենտի տեղադրումը փոխարինվել է մեկ «դեղապատ» ստենտով:Նախորդ տարում անգիոգրաֆիայի բաժանմունքում 7 հիվանդի կատարվել է ստորին վերջույթների էնդովասկուլյար միջամտություններ:

«Բաց դռների օր» միջոցառման շրջանակներում Ամերիկայի Միացյալ Նահանգների «Adventist Health Glendale» բժշկական կենտրոնի բարձրակարգ բժիշկների կողմից` օգտագործելով անգիոգրաֆիկ սարքի բոլոր հնարավորությունները 10 հիվանդի մոտ իրականացվել է ուղեղի նեյրոինվազիվ միջամտություններ, ինչպես նաև 3 հիվանդի տեղադրվել սրտի ռիթմավար: 

Բժշկական այս ծառայության ներդնումը հնարավորություն է տվել նվազեցնել սրտային հիվանդությունների հետևանքով առաջացող մահացությունների դեպքերը, ինչպես նաև ժամանակակից, նորագույն տեխնոլոգիաներին տիրապետող մասնագետների միջոցով վաղ շրջանում հայտնաբերվել ու կանխվել է հանրապետությունում բազմաթիվ անոթային խնդիրներ ունեցող անձանց մոտ բարդությունների արձանագրումը:Անգիոգրաֆիայի բաժանմունքն աշխատում է շաբաթը 7 օր 24-ժամյա ռեժիմով` սերտ համագործակցելով առողջության պահպանման առաջնային օղակի և շտապօգնության ծառայության հետ:

Նմանատիպ Հոդվածներ

Գյումրու բժշկական կենտրոնում սրտի վիրահատությունները 45 տոկոսով ավելացել են

Diana Amirkhanyan
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին