-6 C
Yerevan
23 Հունվարի, 2021
127753.6 By Google Analytics 22.01.2021
Գլխավոր » Ամանորյա միջոցառումների համար նախատեսված 100 մլն դրամը Երևանի քաղաքապետարանը կուղղի Ստեփանակերտին
Այլ Լուրեր

Ամանորյա միջոցառումների համար նախատեսված 100 մլն դրամը Երևանի քաղաքապետարանը կուղղի Ստեփանակերտին

հետևեք մեզ նաև Telegram-ում

Երևանի քաղաքապետարանը ավագանու 5-րդ նստաշրջանի 3-րդ նիստի ժամանակ որոշեց ամանորյա միջոցառումների իրականացման համար նախատեսված 100 մլն դրամն ուղղել Ստեփանակերտին՝ կապիտալ բնույթի աշխատանքների իրականացման նպատակով:

Այս մասին ավագանու 5-րդ նստաշրջանի 3-րդ նիստի ժամանակ ասաց Երևանի քաղաքապետի տեղակալ Սերգեյ Ներսիսյանը:

Այդ 100 մլն դրամը կվերաբաշխվի Երևան քաղաքի 2020 թվականի բյուջեի վարչական մասի պահուստային ֆոնդ:

«Գումարը հատկացվելու է Ստեփանակերտի թիրախավորման հետևանքով վնասված քաղաքացիական ենթակառուցվածքների և օբյեկտների վերականգնողական կապիտալ աշխատանքների իրականացման նպատակով»,- նշեց Ներսիսյանը:

Ավագանու «Բարգավաճ Հայաստան» խմբակցության անդամ Միքայել Մանրիկյանը փոխքաղաքապետին հարցրեց, թե Արցախի Հանրապետությանն արվելո՞ւ են, արդյոք, այլ հատկացումներ ևս, ինչին ստացավ դրական պատասխան:

«Մենք ունենք ՀՈԱԿ-ներ, որոնք ստեղծվել են դեռ անցյալ տարի և որոնց հատկացրել ենք խոշոր չափի գումարներ, սակայն դրանք իրենց գործունեությամբ չեն արդարացրել իրենց: Առաջարկում եմ այդ ՀՈԱԿ-ներին տրամադրված գումարների որոշակի մասը վերցնել և հատկացնել Ստեփանակերտին, որպեսզի հնարավոր լինի շոշափելի աշխատանքներ կատարել»,- ասաց Մանրիկյանը:

Ներսիսյանը նշեց, որ Արցախին կլինեն հատակցումներ, սակայն պետք է քննարկեն, թե ինչ տեսքով կլինեն դրանք:

«Մեծ սիրով կընդունենք ձեր առաջարկը քննարկման, ինչից հետո կորոշենք, թե ինչպես ենք իրականացնելու»,- շեշտեց Ներսիսյանը:

Ֆինանսական և տնտեսական հարցերի մշտական հանձնաժողովի նախագահ Լևոն Հովհաննիսյանն ասաց, որ իրենք նախագծին դրական եզրակացություն են տվել:

Ավագանու անդամները միաձայն կողմ քվեարկեցին նախագծին:

Նմանատիպ Հոդվածներ

Ստեփանակերտում փորձնական օդային տագնապի մասին սոցցանցերում տարածվող լուրերը ապատեղեկատվություն են

Նատա Հարությունյան

Ստեփանակերտում հնչած կրակոցների հեղինակն արցախցիներ են. նրանք ձերբակալվել են

Անի Գրիգորյան

Ստեփանակերտում կառուցվող բնակարանները սոցիալական որոշ խմբերի կտրամադրվեն առաջնահերթ և անհատույց

Նատա Հարությունյան
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին