Աշխարհի 18 երկրում գտնվող UWC միջազգային դպրոցներում ուսանելու նպատակով UWC Հայաստանը 2021-2023 ուստարվա հայտադիմումների ընդունումն Արցախի դիմորդների համար երկարաձգել է մինչև դեկտեմբերի 25-ը։
Սովորելով UWC դպրոցում՝ երեխաները ստանում են IB (international baccalaureate) դիպլոմ, սովորում աշխարհի 155 երկրի դպրոցականների հետ, ինչպես նաև ձեռքբերում աշխարհի գրեթե ցանկացած համալսարան ընդունվելու հնարավորություն։ Հավելենք նաև, որ առկա է կրթաթոշակների ֆոնդ։
UWC Հայաստանի ազգային կոմիտեն պատասխանատու է Հայաստանից և Արցախից երեխաների հավաքագրման և ընտրության համար՝ UWC միջազգային դպրոցներում ուսանելու նպատակով։ Հայաստանում է գտնվում UWC 18 քոլեջներից մեկը՝ UWC Դիլիջանը, որն արդեն ունի շրջանավարտներ Արցախից։
Դիմելու համար այցելել apply.uwc.org կայք և գրանցվելիս երկրների ցանկից ընտրել՝ Republic of Artsakh:
