-3 C
Yerevan
20 Հունվարի, 2021
126755.2 By Google Analytics 19.01.2021
Գլխավոր » Նոր Զելանդիայում մոտ 100 կետ է ափ նետվել
Աշխարհ

Նոր Զելանդիայում մոտ 100 կետ է ափ նետվել

հետևեք մեզ նաև Telegram-ում

Նոյեմբերի 25-ին Նոր Զելանդիայում գտնվող Չաթեմ կղզիներում ափ նետված տասնյակ կետեր և դելֆիններ են հայտնաբերվել։ Իշխանությունները հայտարարել են, որ սատկել է  97 կետ ու 3 դելֆին:  Այս մասին հայտնում է Reuters լրատվական գործակալությունը։

Նոր Զելանդիայի բնապահպանության մարմինը (DOC) հայտարարել  է, որ փրկարարները կղզի են ժամանել ահազանգը ստանալուց անմիջապես հետո, սակայն կենդանիներն արդեն սատկած են եղել: Նոր Զելանդիայի բնապահպանության նախարարության ներկայացուցիչ Ջեմմա Ուելչի հայտնած տվյալների համաձայն փրկարար թիմերի ժամանման պահին  26 կետեր  դեռևս կենդանի են եղել, սակայն դրանք շատ թույլ վիճակում էին։ Ուելչը նշել է, որ իրենք հնարավոր ամեն ինչ կանեն այդ 26 կետերին փրկելու, և կրկին ջուրը վերադարձնելու համար։

1918 թվականին Չաթեմի կղզիներում գրանցված նմանատիպ միջադեպի արդյունքում սատկել էին շուրջ 1000 կետեր: Մինչ օրս գիտնականները չեն կարողանում ստույգ պատասխան տալ, թե ինչը կարող Է դառնալ կետազգիների նման զանգվածային ինքնասպանությունների պատճառը, որոնք ժամանակ առ ժամանակ տեղի են ունենում Երկրագնդի տարբեր անկյուններում: Որպես կանոն, եթե մի կետ կամ դելֆին ափ է նետվում, ապա խմբից մյուսները փորձում են օգնել, եւ ի վերջո կիսում են նրա ճակատագիրը:

Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին