4 C
Yerevan
9 Մարտի, 2021
136297.6 By Google Analytics 07.03.2021
Գլխավոր » Բուայեն Ֆրանսիային կոչ արեց ԼՂ հարցում չեզոքություն չցուցաբերել և ճանաչել Արցախի անկախությունը
Աշխարհ

Բուայեն Ֆրանսիային կոչ արեց ԼՂ հարցում չեզոքություն չցուցաբերել և ճանաչել Արցախի անկախությունը

հետևեք մեզ նաև Telegram-ում

Ֆրանսիայի Ազգային ժողովի պատգամավոր Վալերի Բուայեն Սենատում կոչ արեց Լեռնային Ղարաբաղի հարցում չեզոքություն չցուցաբերել և ճանաչել Արցախի անկախությունը: «Արմենպրես»-ի փոխանցմամբ՝ այս մասին Բուայեն ասաց «Լեռնային Ղարաբաղի Հանրապետության ճանաչման անհրաժեշտության մասին» բանաձևի նախագծի քննարկման ընթացքում:

«Չէի կարծում, որ այս դահլիճում նորից կխոսենք էթնիկ զտումների մասին: Ցավում եմ, բայց մեր լռությունը դրա պատճառն է եղել: Որևէ բան չի արվել Հայաստանի համար, որևէ բան չի արվել, երբ հազարավոր հայեր տեղահանվել են: Մեր պետությունը մնացել է չեզոք, ասելով, որ Մինսկի խմբի համանախագահը պետք է լինի չեզոք: Մենք չենք կարող չեզոք մնալ, երբ ջիհադիստներ են գործում: Մնալ չեզոք, նշանակում է նորից մեր եղբայրներին, քույրերին, հայերին թողնել մենակ այս ագրեսիայի դեմ»,- ասաց Բուայեն:

Պատգամավորը նշեց, որ միայն Արցախի անկախության ճանաչումը կարող է լինել այնտեղ բնակվող անձանց անվտանգության երաշխիքը:

«Մենք պետք է ճանաչենք Ղարաբաղը: Փոքր երկիր, որն ունի մեծ մշակութային ու կրոնական արժեք: Անկախությունը միակ երաշխիքն է այնտեղ ապրող անձանց անվտանգության, դա միակ երաշխիքն է խաղաղության: Ֆրանսիան պետք է լինի առաջին երկիրը, որ կճանաչի այդ անկախությունը»,- նշեց պատգամավորը:

Ֆրանսիայի Հանրապետության Սենատում ընթանում է «Լեռնային Ղարաբաղի Հանրապետության ճանաչման անհրաժեշտության մասին» բանաձևի նախագծի քննարկումը: Բանաձևը ներկայացրել են սենատորներ Բրունո Ռետայոն, Պատրիկոի Մաննեն, Էրվե Մարսելը, Ալիան Աղասսին և Գիլյոմ Գոնտարդը:

Նմանատիպ Հոդվածներ

Թուրքական իշխանությունները փորձում են խառնվել Ֆրանսիայի ներքաղաքական կյանքին. Le Journal du Dimanche-ի անդրադարձը

Անի Գրիգորյան

Ֆրանսիայի վարչապետը չի բացառել երկրում կրկին կարանտին հայտարարելու հավանականությունը

Անի Գրիգորյան

Ֆրանսիան գերիներին ազատելու ջանքերին և ՀՀ-ի տնտեսական զարգացմանն աջակցելու պատրաստակամություն է հայտնել

Նատա Հարությունյան
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին