2 C
Yerevan
16 Հունվարի, 2021
125996.8 By Google Analytics 14.01.2021
Գլխավոր » Արարատ Միրզոյանը դուրս է գրվել հիվանդանոցից. նա մի քանի անգամ վիրահատվել է. «Ժողովուրդ»
թերթերի տեսություն

Արարատ Միրզոյանը դուրս է գրվել հիվանդանոցից. նա մի քանի անգամ վիրահատվել է. «Ժողովուրդ»

հետևեք մեզ նաև Telegram-ում

«Ժողովուրդ» թերթը գրում է.

«Ժողովուրդ» օրաթերթի տեղեկություններով՝ Ազգային ժողովի նախագահ Արարատ Միրզոյանն արդեն դուրս է գրվել Երեւանի «Էրեբունի» բժշկական կենտրոնից: Մեր տեղեկություններով՝ չնայած Արարատ Միրզոյանն արդեն տանն է, բայց դեռեւս գտնվում է ապաքինման փուլում. դժվար է քայլում։ Բանն այն է, որ Արարատ Միրզոյանը մի քանի անգամ արդեն ձեռքի, քթի ու նաեւ աչքի շրջանում լուրջ վիրահատության է ենթարկվել, եւ ապաքինման գործընթացը երկարատեւ է լինելու:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը եւ Ադրբեջանի նախագահ Իլհամ Ալիեւը համատեղ հայտարարություն ընդունեցին ռազմական գործողությունների դադարեցման վերաբերյալ։ Լուրը լսելուց հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։

ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։ Այս գործով արդեն երկու ձերբակալված անձ կա: Առաջիկայում, եթե Միրզոյանն իրեն լավ զգա, խորհրդարան է վերադառնալու իր պարտականությունները կատարելու համար:

Առավել մանրամասն` թերթի այսօրվա համարում

Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին