-12 C
Yerevan
24 Հունվարի, 2021
127766.4 By Google Analytics 23.01.2021
Գլխավոր » Աղավնոյի գյուղապետը մանրամասներ է ներկայացնում համայնքում տիրող իրավիճակի վերաբերյալ
Այլ Լուրեր

Աղավնոյի գյուղապետը մանրամասներ է ներկայացնում համայնքում տիրող իրավիճակի վերաբերյալ

հետևեք մեզ նաև Telegram-ում

Արցախի Քաշաթաղի շրջանի Աղավնո գյուղական համայնքում այս պահի դրությամբ շարունակում է բնակվել 9 ընտանիք:     

Այս մասին տեղեկացրել է Աղավնո համայնքի ղեկավար Անդրանիկ Չավուշյանը:

«Հարազատ գյուղում ապրելու և այն հայկական պահելու մեր դիրքորոշումը չի փոխվել: Շարունակելու ենք ապրել այստեղ: Խաղաղապահները իրենց գործն են անում, իսկ մենք իրավունք ունենք պաշտպանելու մեր ընտանիքների անվտանգությունն ու գյուղը: Այստեղ մնացած տղամարդիկ շարունակում են  հերթապահել գյուղի շրջակայքում: Գյուղապետարանի տանիքին շարունակում է ծածանվել մեր դրոշը  և այլ դրոշ չենք ուզում տեսնել այնտեղ: Պայմանագրով խաղաղապահները պիտի ապահովեն միջանցքի անվտանգությունը: Նրանք  իրենց գործն են անելու, իսկ մենք այստեղ ապրելու և մեր անվտանգությունը պաշտպանելու  իրավունք ունենք: Պատրաստ ենք նույնիսկ կյանքի գնով պաշտպանել մեր իրավունքները: Այստեղից մենք պաշտպանում ենք նաև Ստեփանակերտն ու ամբողջ հայության իրավունքները: Կցանկանայինք, որպեսզի պատկան մարմինների կողմից հստակ պարզաբանումներ լինեին. մեզ ասում են՝ գյուղը հայկական է մնալու, սակայն տարհանման համար վառելանյութ ու ավտոբուսներ են տրամադրում», -ասաց Աղավնո համայնքի ղեկավարը:

Նրա հաղորդմամբ՝ շուրջ երեք օր է գյուղը  հոսանքազրկված է, չեն գործում արցախյան կապի միջոցները, իսկ Աղավնոյում ապրող ընտանիքներին սնունդ   և այլ անհրաժեշտ պարագաներ ուղարկում են  ընկերներն ու բարեկամները:  

Նմանատիպ Հոդվածներ

Աղավնոյում չեն բացառել, որ անվտանգության գործնական երաշխիքների դիմաց կհանձնեն զենքերը

Անի Գրիգորյան
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին