-12 C
Yerevan
24 Հունվարի, 2021
127766.4 By Google Analytics 23.01.2021
Գլխավոր » Հայրենիքի՞, թե՞ դրա թալանի փրկության շարժում. Ում և ինչն է փրկելու Վազգեն Մանուկյանը
Հարցազրույցներ

Հայրենիքի՞, թե՞ դրա թալանի փրկության շարժում. Ում և ինչն է փրկելու Վազգեն Մանուկյանը

հետևեք մեզ նաև Telegram-ում

Հայաստանի 16 կուսակցությունները, որոնք հիմնականում նախկին իշխանության ներկայացուցիչներ են, որոշում են կայացրել Հայրենիքի փրկության ազգային շարժում ստեղծելու մասին, և ժամանակավոր վարչապետի նրանց միասնական թեկնածուն Վազգեն Մանուկյանն է:

Մամուլում տեղեկություն էր տարածվել, որ Վազգեն Մանուկյանը վերջերս Մոսկվա է մեկնել՝ այնտեղ իր թեկնածությունը քննարկելու համար: Որոշ տեղեկություններով՝ ժամանակավոր կառավարության ղեկավարի դերում որպես համերաշխության գործոն Վազգեն Մանուկյանի թեկնածության հարցով զբաղվում է անձամբ Սերժ Սարգսյանի փեսա Միքայել Մինասյանը, ինչպես նաև «Քոմեդի քլաբի» սեփականատեր Արթուր Ջանիբեկյանը, որոնք տարբեր հանդիպումներ են կազմակերպում ու աշխատում Փաշինյանի դեմ:

Այսօր տեղեկություն տարածվեց, թե ռուսահայ երեք խոշոր գործարարներ՝  Ռուբեն Վարդանյանը, Սամվել Կարապետյանն ու Սերգեյ Համբարձումյանը առաջիկայում պահանջելու են Փաշինյանի հրաժարականը՝ ապացուցելու համար, թե Պուտինի հրապարկային աջակցությունը Փաշինյանին «խիստ ձևական է»: 

Եթե հաշվի առնենք, որ առաջիկայում մեկնարկելու է ապօրինի գույքի բռնագանձման օրենքի կիրառումը, հակակոռուպցիոն դատարանների ստեղծումը և հակակոռուպցիոն կոմիտեի ձևավորումը, ապա կարելի է կռահել, որ այդ ամենը ուղղված է կոնկրետ մարդկանց՝ ՀՀ նախկին իշխանության կոնկրետ ներկայացուցչների դեմ, որոնք այս կամ այն կերպ մասնակցել են երկրի թալանին, որոնք միավորվել են «Հայրենիքի փրկության ազգային շարժումում»:   

Քաղաքագետ Լևոն Շիրինյանի խոսքով՝ ռուսահայ օրիգարխները «պետք է ականջներին օղ անեն. ՀՀ-ում իշխանության հարց լուծողը ՀՀ քաղաքացին է՝ ազատ, արդար ընտրության ճանապարհով»: Ըստ նրա՝  ՀՀ-ում առայժմ կա օրինական իշխանություն, որը լեգիտիմ է, և իշխանության ու վարկանիշի այնպիսի անկում չկա, որ հայրենիքի փրկության կոմիտեի հարց լինի: «Հայաստանում իշխանության փոփոխության ուղին կարող է լինել միայն Սահմանադրության 2-րդ կետով, որն անփոփոխ է՝ անկախ Սահմանադրությունը կեղծված է, թե չէ: Իշխանափոխության համար կա 2 տարբերակ՝ ընտրություններ և հանրաքվե: Եթե գտնում են, որ իշխանությունը չունի այդքան վարկանիշ, պետք է գնան հանրաքվեի ճանապարհով՝ ժողովուրդը համաձա՞յն է իշխանափոխության, թե՞ չէ»,-նշեց քաղաքագետը:  

Նրա խոսքով՝ ստեղծված շարժումը «անցյալի ժառանգությունը փրկելու, անաշխատ եկամուտով ստացված եկամուտները պահելու, ապօրինի գույքի բռնագանձումից և պետական ունեցվածի թալանով քրեական գործերից խուսափելու, թալանը փրկելու խնդիր ունի»:

Մեր հարցին, թե Վազգեն Մանուկյանը կարո՞ղ է փրկել նախկիններին , քաղաքագետը պատասխանեց. «Հայաստանում հիմա ոչ ոք ոչ ոքի չի կարող փրկել, գործում է միայն ժողովրդի սուվերեն կամքը»:

16 կուսակցությունների վարկանիշը, ըստ քաղաքագետի, այնքան չէ, որ կարողանա վտանգ ներկայացնել, բայց ապակայունացնող գործոն կարող է լինել: «Ինչն այսօր մեզ համար անընդունելի է, որովհետև սահմանագծման, սահմանների ճշգրտման հարց կա, հետո այդ հրադադարի հայտարարությունը խաղաղաության պայմանագիր չէ, հրադադարը կարող է խախտվել: Բանակը վերակազմելու, վերազինելու հարց կա, կա նաև խաղաղապահների հետ հարաբերություններ կառուցելու հարց»,- նշեց Շիրինյանը՝ շարունակելով. «Իշխանությունն այնքան ձգձգեց իրական ռեֆորմները, որ ստացավ հայրենիքի փրկության կոմիտեն որպես իրեն հակադիր ուժ, սակայն սա դետոնատորի դեր է խաղալու իշխանության համար, և կառավարությունը գործի է դնելու խոստումների կատարումը, որով որ հեղափոխություն է արել»:

Մարինե Խառատյան

Նմանատիպ Հոդվածներ

Վազգեն Մանուկյան․ Մոտավորապես առաջնորդը

Անի Գրիգորյան

Վարդան Ղուկասյանը կրկնում է՝ բոմժեր էին․ ԲՀԿ–ում տեղյակ չէին

Անի Գրիգորյան

Վազգեն Մանուկյանը պատասխան կտա՞ ռազմական հեղաշրջման կոչերի համար

Անի Գրիգորյան
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին