1 C
Yerevan
4 Մարտի, 2021
135548.8 By Google Analytics 03.03.2021
Գլխավոր » ՄԻԵԴ-ը բավարարել է 23 գերիների մասով Ադրբեջանի նկատմամբ միջանկյալ միջոց կիրառելու դիմումը
Այլ Լուրեր

ՄԻԵԴ-ը բավարարել է 23 գերիների մասով Ադրբեջանի նկատմամբ միջանկյալ միջոց կիրառելու դիմումը

հետևեք մեզ նաև Telegram-ում

ՄԻԵԴ-ը բավարարել է Ադրբեջանի կողմից Արցախի դեմ նախաձեռնված լայնամասշտաբ պատերազմի ընթացքում գերության մեջ հայտնված զինվորական ծառայողի և ձերբակալված քաղաքացիական անձանց իրավունքների պաշտպանության գործով իրավապաշտպանների դիմումները և որոշել է կիրառել հրատապ միջոց ևս 23 անձի նկատմամբ:

Այս մասին «Ֆեյսբուք»-ի իր էջում գրել է ՄԻԵԴ-ում ռազմագերիների շահերի ներկայացուցիչ, իրավապաշտպան Արտակ Զեյնալյանը։

«Նշված անձինք են՝ Արամ Գույումջյանը, Արման Աշպախյանը, Լևոն Մկրտչյանը, Լևոն Հովհաննիսյանը, Գևորգ Գասպարյանը, Էրիկ Գասպարյանը, Գևորգ Մանուկյանը, Գնել Պետրոսյանը, Լևոն Թոսունյանը, Սամվել Շուխյանը, Գրիգոր Սաղաթելյանը, Հայկազ Հովհաննիսյանը, Կարեն Վարդանյանը, Էդիկ Հարությունյանը, Հրայր Հերաբյանը, Հրայր Թադևոսյանը, Անդրանիկ Մանուկյանը, Արգամ Հունանյանը, Դավիթ Ոսկանյանը, Սեյրան Թամրազյանը, Սասուն Պետրոսյանը, Գագիկ Մկրտչյանը և Յուրիկ Պողոսյանը։ Վերը թվարկած անձանց գերեվարվելու կամ ձերբակալվելու մասին մեր պնդումները հենվում են ձեռք բերված մի շարք ապացույցների, այդ թվում՝ տեսանյութերի վրա»,- գրել է Զեյնալյանը։

Իրավապաշտպանը հայտնել է, որ Եվրոպական դատարանը Ադրբեջանի կառավարությունից պահանջել է փաստաթղթավորված տեղեկություն նրանց գերեվարման փաստի, գտնվելու վայրի, պահման պայմանների և բժշկական սպասարկման վերաբերյալ: Դատարանը պահանջվող տեղեկությունը տրամադրելու համար, համապատասխանաբար, սահմանել է ժամկետներ:

«Այսպիսով. մեր կողմից Եվրոպական դատարան ներկայացված դիմումներով պաշտպանվում են 80 գերության մեջ հայտնված զինվորական ծառայողի և ձերբակալված քաղաքացիական անձանց իրավունքները: Նրանցից 18-ն արդեն վերադարձվել են հայրենիք»,- գրել է Զեյնալյանը։

ՄԻԵԴ-ում ռազմագերիների շահերի ներկայացուցիչը ընդգծել է, որ ջանք չեն խնայելու գերության մեջ հայտնված բոլոր անձանց բացահայտելու և նրանց հայրենիք վերադարձնելու, նրանց ու նրանց ընտանիքների անդամների իրավունքները վրականգնելու համար։

Նմանատիպ Հոդվածներ

ՄԻԵԴ-ն անընդունելի է համարել Հայաստանի դեմ Ադրբեջանի քաղաքացու ներկայացրած գանգատը

Նատա Հարությունյան

ՄԻԵԴ-ը քննարկում է Ադրբեջանի խախտումները ԵԽ նախարարների կոմիտե տեղափոխելու հարցը

Անի Գրիգորյան

Ընդդեմ Ադրբեջանի ՄԻԵԴ վճիռները կունենան նաև քաղաքական ազդեցություն. այս պատերազմում էլ վճիռների քաղաքական հետևանքները նկատելի էին. Ա. Ղազարյան

Նատա Հարությունյան
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին