1 C
Yerevan
4 Մարտի, 2021
135542.4 By Google Analytics 03.03.2021
Գլխավոր » Ֆինանսների փոխնախարարը վստահեցնում է՝ աշխատավարձի, թոշակի, նպաստի վճարման հետ կապված խնդիր չկա
Տնտեսություն և Բիզնես

Ֆինանսների փոխնախարարը վստահեցնում է՝ աշխատավարձի, թոշակի, նպաստի վճարման հետ կապված խնդիր չկա

հետևեք մեզ նաև Telegram-ում

Հայաստանում պատերազմից հետո պետական համակարգում աշխատավարձի, թոշակի, նպաստի վճարման հետ կապված խնդիր չկա: Այս մասին ԱԺ-ում լրագրողների հետ զրույցում ասաց ՀՀ ֆինանսների փոխնախարար Արման Պողոսյանը:

Անդրադառնալով հարցին, թե արդյոք պատերազմից հետո առաջացե՞լ է կենսաթոշակների, նպաստների բաշխման կրիզիս և «Հայաստան» համահայկական հիմնադրամի՝ կառավարությանը նվիրաբերված գումարներն ուղղե՞լ են դրանց, եղե՞լ է ֆինանսական ճգնաժամ, Պողոսյանն ասաց. «Ֆինանսների նախարարությունը հայտնել է, որ միասնական բյուջետային գործընթացի առաջնահերթությունների, գերակայությունների շրջանակում այդ միջոցների տնօրինում է իրականացվել»:

Նա հիշեցրեց, որ նվիրաբերված միջոցների վերաբերյալ եղել է ֆինանսների նախարարության պաշտոնական հրապարակումը, եղել են նախարարի մեկնաբանությունն ու բացատրությունը՝ այս հարցի առնչությամբ:  Սակայն սրանով չեն սահմանափակվի, առաջիկայում կլինի նաև բյուջեի կատարման մանրամասն հաշվետվություն, որտեղ հնարավոր կլինի տեսնել բոլոր հնարավոր հարցերի պատասխանը:

Անդրադառնալով հարցին, թե պետական համակարգում աշխատավարձ, թոշակ, նպաստ վճարելու խնդիր կա՞՝ փոխնախարարը պատասխանեց՝ ոչ, չունենք:

Խոսելով հարկահավաքությունից՝ Պողոսյանն ասաց, որ տարին ավարտվել է բավականին բարձր ու բավական տպավորիչ հարկային կարգապահությամբ և ստեղծված տնտեսական իրավիճակին համապատասխան նաև հավաքագրումների բավական լավ մակարդակով:

«Դա մի կողմից հարկային կարգապահության, մյուս կողմից հարկային վարչարարության և առհասարակ երկրում ստեղծված իրավիճակը սթափ գնահատելու և ըստ այդմ վարքագիծ ձևավորելու արդյունք է: Ինչ վերաբերում է խնդիրներին, որոնք հանգում են մեր ֆինանսական իրացվելիությանը, այդպիսի խնդիր ՀՀ-ում չկա: Բյուջետային գործընթացը նորմալ ընթացքով սպասարկվում է»,-վստահեցրեց փոխնախարարը:

Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին