2 C
Yerevan
16 Հունվարի, 2021
125996.8 By Google Analytics 15.01.2021
Գլխավոր » Եթե Մոսկվայում Փաշինյանի դեմ ակցիան ՌԴ թողտվությամբ չլիներ, Արա Աբրահամյանն արդեն ձերբակալված կլիներ. իրավապաշտպան
Կարևոր

Եթե Մոսկվայում Փաշինյանի դեմ ակցիան ՌԴ թողտվությամբ չլիներ, Արա Աբրահամյանն արդեն ձերբակալված կլիներ. իրավապաշտպան

հետևեք մեզ նաև Telegram-ում

Արա Աբրահամյանի ղեկավարած «Ռուսաստանի հայերի միությունը» երեկ՝ ՀՀ վարչապետ Նիկոլ Փաշինյանի Մոսկվա այցի ժամանակ Հայաստանի դեսապանատան առաջ «Ստոպ Նիկոլ» խորագրով ակցիա էր կազմակերպել՝ մի քանի տասնյակ հայերի մասնակցությամբ:

Վերջիններս պաստառ էին պարզել Փաշինյանի դեմ ռուսերեն և անգլերեն գրառումներով, ինչից օգտվեցին ադրբեջանական լրատվամիջոցները՝ եռակողմ հանդիպմանը զուգահեռ լայնորեն լուսաբանելով հայերի կազմակերպած ակցիան:

«Կուզեի ի սկզբանե հաշվի առնենք, թե ինչ պետությունում է ակցիան տեղի ունեցել: ՌԴ-ում Պուտինն արդեն օրենք է ստորագրել, որ նույնիսկ մեկ անձի կողմից ակցիան դիտարկվում է որպես զանգվածային միջոցառում, և ակցիա անողը պետք է ստանա թույլտվություն»,-մեզ հետ զրույցում ասաց իրավապաշտպան Արթուր Սաքունցը՝ հավելելով. «Փաշինյանի դեմ ակցիան իրականացվել է  մի պետությունում, որտեղ անգամ 1 անձի կողմից ակցիաները շատ կոշտ կասեցվում են, իսկ ակցիա կատարողը բերման է ենթարկվում»:

Այնպես որ, իրավապաշտպանը համոզված է, որ դա ՌԴ իշխանության թողտվությամբ է կազմակերպվել: Հակառակ դեպքում, ըստ նրա Արա Աբրահամյանն ու ցույցի մասնակիցները շատ կոշտ հակազդեցության կարժանանային կամ կձերբակալվեին:

«Պատկերացնո՞ւմ եք, եթե այդ ակցիաների մասնակիցները 5 կամ 6 հոգով ցույց անեին՝ պահանջելով Պուտինից, որ միջամտի և իր լծակները կիրառի հայ գերիներին և անհետ կորածներին ազատ արձակելու համար: Վստահեցնում եմ, որ նման ակցիա չէր կարող լիներ, թույլ չէին տա միանգամից»,-նշեց Սաքունցը:

Նրա խոսքով՝ Արցախի հետ կապված խնդիրը բարձրացվում է մի պետությունում, որի ղեկավարը հայտարարել է, թե Եռակողմ հայտարարությունը ինքն է գրել, որ ԼՂ կարգավիճակի հարցը հանված է, և հանդես է եկել որպես անվտանգության երաշխավոր: «Եթե ՌԴ- հայերը սա կարդացել են, ապա այդ պահանջները պետք է ներկայացնեն իրենց երկրի ղեկավարին: Այսօր փաստացի Հայաստանի վարչապետը ամբողջ խնդրների լուծումը հանձնել է ՌԴ-ին: Այն, որ շատ քաղաքացիներ չեն մասնակցել, նշանակում է՝ ավելի գիտակից են գտնվել՝ հասկանալով խնդրի իրական հասցեատերն ով է»,-տեսակետ հայտնեց Սաքունցը:

ՔՊ խոսնակ Վահագն Ալեքսանյանը ակցիայի առթիվ երեկ իր ֆեյսբուքյան էջում գրել էր. «Մոսկվայի հայ համայնքի՝ այսօրվա ակցիայից անմասն մնալը շատ լավ ցուցիչ է։ Բացառությամբ երկու-երեք տասնյակ մոսկվայաբնակների, համայնքը, կարելի է ասել, որ մերժեց հայրենի երկրի ղեկավարի դեմ ուղղված այս միջոցառումը։ Վստահ եմ, որ այդ ակցիան մերժած մեր հայրենակիցները հայրենասեր ու լավ մարդիկ են»։

Մարինե Խառատյան

Նմանատիպ Հոդվածներ

Աբսուրդ է դռնփակ քննել Քոչարյանի գույքի վրա դրված արգելանքի հարցը, որի ծագման օրինականության հետ կապված խնդիրներ կան․ Ա․Սաքունց

Սերինե

ՀՀ վարչապետի շնորհավորանքը Լուկաշենկոյին չի մեծացնելու մեր իմիջը. Սաքունց

Նատա Հարությունյան

Հեռանկարային մարզիկներից շատերը ծառայությունից հետո չեն վերադառնում պրոֆեսիոնալ սպորտին

Սերինե
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին