2 C
Yerevan
4 Մարտի, 2021
135561.6 By Google Analytics 03.03.2021
Գլխավոր » Վարդան Ղուկասյանը կրկնում է՝ բոմժեր էին․ ԲՀԿ–ում տեղյակ չէին
Կարևոր

Վարդան Ղուկասյանը կրկնում է՝ բոմժեր էին․ ԲՀԿ–ում տեղյակ չէին

հետևեք մեզ նաև Telegram-ում

«Գագիկ Ծառուկյանն արդեն անդրադարձել է այդ հայտարարությանը՝ անընդունելի համարելով այն։ Ինչ վերաբերում է իմ վերաբերմունքին՝ մշտապես հնչեցրել եմ այն թեզը, որ ավելի քան երբևէ մենք պետք է կարողանանք միասնական կերտել մեր պետության ապագան, և ով ուզում է լինի, բնորոշումները, տարբեր պիտակավորումները, սևերի և սպիտակների  բաժանումները, տարբեր բաժանարար գծերը Հայաստանի քաղաքացիների շրջանակում, ինձ համար անընդունելի է»,- New Armenia.am-ի՝ ինչպե՞ս եք վերաբերվում «Հայրենիքի փրկության շարժման» վարչապետի միասնական թեկնածու Վազգեն Մանուկյանի հայտարարությանը հարցին ի պատասխան, ասաց «Բարգավաճ Հայաստան» խմբակցության պատգամավոր Շաքե Իսայանը։

Իսայանից հետաքրքրվեցինք` արդյոք «Հայրենիքի փրկության շարժումը» քննարկման առարկա դարձրե՞լ է Մանուկյանի աղմկահարույց հայտարարությունը, ինչին ի պատասխան Իսայանն ասաց, որ ինքը տեղյակ չէ՝ քննարկել են այդ հարցը, թե ոչ։

Իսայանը չպատասխանեց մեր այն հարցին, թե Վազգեն Մանուկյանը պե՞տք է ներողություն խնդրի գյումրեցիներից․ «Կարծում եմ, առիթ կունենաք անձամբ այդ հարցն ուղղել Վազգեն Մանուկյանին, և նա կպատասխանի Ձեր հարցին»,- եզրափակեց ընդդիմադիր պատգամավորը։

Շաքե Իսայանը նաև չմեկնաբանեց իրենց խմբակցության անդամ, Գյումրու նախկին քաղաքապետ Վարդան Ղուկասյանի այն հայտարարությունը, որում ասել է, թե Վազգեն Մանուկյանը «ինչ ասել է, ճիշտ է ասել»՝ պատճառաբանելով, թե խմբակցությունը տեղյակ չէ Ղուկասյանի նմանատիպ հայտարարությունից։

Քրիստինե Աղաբեկյան

Նմանատիպ Հոդվածներ

Վազգեն Մանուկյանին մեղադրանք է առաջադրվել

Նատա Հարությունյան

Վազգեն Մանուկյանն Ազատության հրապարակում կհանդիպի քաղաքացիների հետ

Անի Գրիգորյան

Վազգեն Մանուկյանի առաջարկած պլան Բ-ն անթույլատրելի է․ նման աղետալի նախադեպ արդեն ունեցել ենք․ Սուրեն Պետրոսյան

Նատա Հարությունյան
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին