12 C
Yerevan
7 Մարտի, 2021
136188.8 By Google Analytics 06.03.2021
Գլխավոր » ԶՈւ զարգացման գործընթացն իմաստ ունի, եթե կա ռազմավարություն, հակառակ դեպքում փողերի անիմաստ վատնում է լինելու. Գ. Գորգիսյան
Այլ Լուրեր

ԶՈւ զարգացման գործընթացն իմաստ ունի, եթե կա ռազմավարություն, հակառակ դեպքում փողերի անիմաստ վատնում է լինելու. Գ. Գորգիսյան

հետևեք մեզ նաև Telegram-ում

ՀՀ Պաշտպանության նախարար Վաղարշակ Հարությունյանը РИА Новости լրատվական գործակալության հետ զրույցում ներկայացրել է ՀՀ ԶՈւ արդիականացման որոշ ծրագրեր: NewArmenia.am-ը հարցի հետ կապված զրուցել է ԱԺ Պաշտպանության և անվտանգության հարցերի մշտական հանձնաժողովի անդամ, ԼՀԿ պատգամավոր Գևորգ Գորգիսյանի հետ:

Պարո՛ն Գորգիսյան, Պաշտպանության նախարարը հայտարարել է, որ ՀՀ ԶՈւում ոչ միայն պլանավորվում են, այլև արդեն իսկ մեկնարկել են բարեփոխումները: Շոշափելի գործողություններ կամ արդյունք տեսնո՞ւմ եք:

— Ռեալ ու շոշափելի արդյունք տեսնելու համար դեռ ժամանակ է հարկավոր, այսքան արագ արդյունք սպասելն անիմաստ կլիներ: Բայց այն, որ բանակն ունի արդիականացման կարիք, չի քննարկվում ու միանշանակ է: Բանակի արդիականացում պետք է լինի սկսած կառուցվածքից, ռազմավարության մշակման գործընթացից ու վերջացրած սպառազինությունների գնման պլանավորումից ու գնման առաջնահերթություններից:

Հարությունյանի խոսքով՝ հիմնական ջանքերն ուղղվելու են զարգացման վերահսկման համակարգերի, հետախուզության, ռադիոէլեկտրոնային պայքարի, հակաօդային պաշտպանության և անօդաչու թռչող սարքերի, հրթիռային ուժերի և հրետանու վրա: Ի՞նչ կասեք այս ծրագրերի մասին:

— Ամեն ինչ, այսինքն՝ցանկացած գործընթաց իմաստ ունի, եթե կա դրա զարգացման ռազմավարությունը: Քանի դեռ չկա ռազմավարություն, այդ ամենն անիմաստ փողերի վատնում է լինելու, ինչպես ինքնաթիռների գնումը: Երբ կլինի ռազմավարություն, թե մենք ի՞նչ խնդիրների ենք պատրաստվում, եթե պատերազմ է լինելու, ապա բնույթն ինչպիսի՞ն է լինելու և այլ: Այս հարցերի պատասխաններից էլ կբխի մեր քայլերը, թե ինչ ենք առնելու, ինչն ենք զարգացնելու:

— Երևանն ու Մոսկվան այժմ մշակում են Հայաստանում գործող Գյումրու 102-րդ ռազմական բազայի մի մասը Հայաստանի արևելյան հատված տեղափոխելու հարցը: Սա ճի՞շտ քայլ եք համարում։

— Մենք առաջարկել էինք, որ ռուսական ռազմաբազայի ստորաբաժանումներից մեկը Սյունիքում լինի: Հիմիկվա մեր առաջարկի ավելի մոդերֆիկացված տարբերակն են առաջարկում: Եթե դա կօգնի տեղի բնակչությանը, որ իրենց ավելի ապահով ու անվտանգ զգան, ապա կարելի է անել:

— ՊՆ նախարարն իր խոսքում նշել է, որ այս տարվա հունվարի 25-ից 30-ն ընկած ժամանակահատվածում, երկկողմ համաձայնագրերի համաձայն, ՀՀ-ում էր գտնվում ՌԴ ՊՆ շատ ներկայացուցչական և իրավասու պատվիրակություն՝ օգնելու ՀՀ ԶՈւ բարեփոխման և արդիականացման գործում:  Անվտանգային նման սպառնալիքների պարագայում վտանգավոր չէ՞ ՀՀ ԶՈւ բարեփոխումները միայն ՌԴ-ի հետ իրականացնելը:

— Հայաստանն այլ ռազմավարական գործընկեր չունի: Քաղաքականության,  միգուցե արտաքին քաղաքականության բացթողում է, բայց իրողություն է, որն ունենք, որի հետ պետք է հաշվի նստենք: Այսօր մենք այլ ռազմավարական գործընկեր չունենք, լավ է վատ է, հիմա սա է:

Անի Արամի

Նմանատիպ Հոդվածներ

«Համաձայն չենք, որ նոր վարչապետը լինի «Իմ քայլից»». Գևորգ Գորգիսյան (տեսանյութ)

Սերինե

«Հենց Փաշինյանի ռեյտինգն ընկնում է, Սարգսյանն ու Քոչարյանը հարցազրույց են տալիս». Գևորգ Գորգիսյան

Սերինե

Նախագծերը կարող էինք սեպտեմբերին քննարկել՝ չվտանգելով մեր կյանքը․ Գ․ Գորգիսյանը՝ ԱԺ արտահերթ նիստի մասին

Սերինե
Բեռնում.....

Մեր կայքը օգտագործում է cookie-ներ Ձեր հարմարավետության համար։ Հաստատել Կարդալ ավելին