Հայաստանում մայիսի 22-ի ցերեկը, 25-ի կեսօրից հետո առանձին շրջաններում, 23-24-ը, 26-ի կեսօրից հետո, 27-ին շրջանների զգալի մասում սպասվում է անձրև և ամպրոպ:
Այս մասին հայտնում են ՀՀ արտակարգ իրավիճակների նախարարությունից և հավելում, որ առանձին հատվածներում հնարավոր է կարկուտ։
«Քամին կլինի հարավ-արևմտյան՝ 5-10 մ/վ արագությամբ, ամպրոպի ժամանակ առանձին շրջաններում սպասվում է քամու ուժգնացում՝ 15-20 մ/վ: Օդի ջերմաստիճանը մայիսի 23-25-ն աստիճանաբար կնվազի 5-7 աստիճանով»,- նշում են ԱԻՆ-ից:
Երևանում մայիսի 22-ի երեկոյան ժամերին քաղաքի առանձին հատվածներում հնարավոր է, մայիսի 23-26-ի կեսօրից հետո, 27-ին ժամանակ առ ժամանակ սպասվում է անձրև և ամպրոպ:
