Իսպանացի թենիսիստ Ռաֆայել Նադալը պարտվել է ATP տարվա ամփոփիչ մրցաշարի առաջին տուրում:
Լոնդոնում ընթացող մրցաշարի մեկնարկում Նադալի մրցակիցը Գերմանիան ներկայացնող Ալեքսանդր Զվերևն էր: 1 ժամ 25 րոպե ձգված մրցախաղում Նադալը պարտվեց երկու սեթում` 2:6, 4:6 հաշվով:
ATP տարվա ամփոփիչ մրցաշարին մասնակցում են 8 թենիսիստ, որոնք բաժանվել են երկու ենթախմբի: Մրցաշարն անցկացվում է նոյեմբերի 10-17-ը, մրցանակային ֆոնդը կազմում է 9 միլիոն ԱՄՆ դոլար:
