7.1 C
Yerevan
29 Նոյեմբերի, 2023
249596.8 By Google Analytics 28.11.2023

Գլխավոր » ՄԱԿ-ի Մարդու իրավունքների գրասենյակը վերջապես համարձակություն է գտել հրապարակել Սինցզյանում ույղուրների հալածանքների մասին զեկույցը
Գլխավոր Նորություններ

ՄԱԿ-ի Մարդու իրավունքների գրասենյակը վերջապես համարձակություն է գտել հրապարակել Սինցզյանում ույղուրների հալածանքների մասին զեկույցը

0

ՄԱԿ-ի Մարդու իրավունքների հարցերով գերագույն հանձնակատար Միշել Բաչելետի գրասենյակը վերջապես հրապարակել է երկար սպասված զեկույցը Չինաստանի Սինցզյան-Ույգուրական ինքնավար շրջանում տեղի ունեցած խախտումների վերաբերյալ։

Ուշագրավ է, որ զեկույցը հրապարակվել է օգոստոսի 31-ի երեկոյան՝ Բաչելետի քառամյա ժամկետի ավարտից ընդամենը մի քանի րոպե առաջ։

Փաստաթղթում ասվում է, որ Չինաստանի իշխանություններն ահաբեկչության և ծայրահեղականության դեմ պայքարի միջոցառումների շրջանակներում տարածաշրջանում թույլ են տվել մարդու իրավունքների «լուրջ խախտումներ»։ Պեկինի գործողությունները ույղուրների և այլ մահմեդական ժողովուրդների ներկայացուցիչների դեմ կարող են որակվել որպես հանցագործություն մարդկության դեմ, հայտարարվել է ՄԱԿ-ում։

Զեկույցը եզրակացնում է, որ Չինաստանի հակաահաբեկչական օրենսդրությունը «խորապես խնդրահարույց» է մարդու իրավունքների միջազգային չափանիշների առումով և թույլ է տվել իշխանություններին լայնածավալ կամայական բռնաճնշումներ իրականացնել տարածաշրջանի ույղուրների և այլ մահմեդականների նկատմամբ։

FILE - Guard towers stand on the perimeter wall of the Urumqi No. 3 Detention Center in Dabancheng in western China's Xinjiang Uyghur Autonomous Region on April 23, 2021. China's discriminatory detention of Uyghurs and other mostly Muslim ethnic groups in the western region of Xinjiang may constitute crimes against humanity, the U.N. human rights office said in a long-awaited report released Wednesday, Aug. 31, 2022. (AP Photo/Mark Schiefelbein, File)

Նույնիսկ եթե ույղուրների համար «մասնագիտական ​​ուսուցման կենտրոնների» (իրավապաշտպաններն այդ կենտրոններն անվանում են համակենտրոնացման ճամբարներ) օգտագործումը, ինչպես պնդում են չինական իշխանությունները, նվազել է, միաժամանակ կա ահաբեկչության և ծայրահեղականության գործերով դատապարտյալների թվի աճի միտում։

Զեկույցի հեղինակները արժանահավատ են համարում այն ​​պնդումները, որ վերը նշված «մասնագիտական ​​ուսուցման կենտրոններում» մարդիկ ենթարկվում են խոշտանգումների, հարկադիր բժշկական միջամտությունների և սեռական բռնության։ Ընդհանուր առմամբ, տարածաշրջանի մահմեդական բնակիչները, ըստ տեղեկությունների, բախվում են իրենց կրոնական ինքնության արտահայտման սահմանափակումների, ինչպես նաև վերարտադրողական իրավունքների ոտնահարման՝ ընտանիքի հարկադիր պլանավորման և ծնելիության դեմ պայքարի միջոցների կիրառման միջոցով:

FILE - A child stands near a large screen showing photos of Chinese President Xi Jinping near a car park in Kashgar in western China's Xinjiang region on Dec. 3, 2018. China's discriminatory detention of Uyghurs and other mostly Muslim ethnic groups in the western region of Xinjiang may constitute crimes against humanity, the U.N. human rights office said in a long-awaited report Wednesday, Aug. 31, 2022, which cited "serious" rights violations and patterns of torture in recent years. (AP Photo/Ng Han Guan, File)

Ինչպես և սպասվում էր, Չինաստանի իշխանությունները հերքում են զեկույցում տեղ գտած մեղադրանքները որպես «ապատեղեկատվություն և կեղծիքներ, որոնք հորինված են Չինաստանի հակառակորդների կողմից», հաղորդում է Associated Press գործակալությունը: Պեկինի խոսքով՝ փաստաթղթում անտեսվում են «Սինցզյանում մարդու իրավունքների ոլորտում ձեռքբերումները և այն վնասները, որ ահաբեկչության ու ծայրահեղականության պատճառով հասցվել են տարածաշրջանի բնակիչներին»։

FILE - U.N. High Commissioner for Human Rights Michelle Bachelet speaks to the media after her visit to Rohingya camps in Cox's Bazar district, in Dhaka, Bangladesh, on Aug. 17, 2022. China has denounced a long-delayed U.N. report that was released over its protest and that says the government's arbitrary detention of Uyghurs and other mostly Muslim ethnic groups in the western region of Xinjiang may constitute crimes against humanity. (AP Photo/Mahmud Hossain Opu, File)

Նշենք, որ ՄԱԿ-ի Մարդու իրավունքների գերագույն հանձնակատարի գրասենյակը Սինցզյանում իրավիճակի վերաբերյալ զեկույց հրապարակելու պլանների մասին խոսում էր դեռ 2021 թվականի դեկտեմբերից, գրում է The New York Times-ը։ Դրանից հետո զեկույցի հրապարակումը մի քանի անգամ հետաձգվել է, ինչի համար գրասենյակը խիստ քննադատության էր ենթարկվում իրավապաշտպանների կողմից։ Ըստ BBC News-ի, պաշտոնավարման ժամկետի ավարտից առաջ հանձնակատար Միշել Բաչելետը հայտնել էր, որ իր նկատմամբ «անհավանական ճնշում է գործադրվել զեկույցը հրապարակելու կամ չհրապարակելու համար»:

Բեռնում.....