«Հրապարակ» օրաթերթը գրում է.
Արցախի անվտանգության խորհրդի նախկին քարտուղար Սամվել Բաբայանը երեկ հայտարարություն էր տարածել, թե սուտ են այն լուրերը, որ 44-օրյա պատերազմի ընթացքում զբաղեցնելով ԱԽ քարտուղարի պաշտոնը՝ ինքը լքել է Արցախը։
Բաբայանը տեղեկացնում է նաեւ․ «2020թ․ նոյեմբերի 6-ին ԱՀ ԱԽ նիստից հետո նախագահի հատուկ հանձնարարությամբ ի պաշտոնե գործուղվել եմ քաղաք Երեւան (գործուղման նպատակի եւ արդյունքների մասին մանրամասները պետական եւ ծառայողական գաղտնիք հանդիսանալու հիմքով իմ կողմից հանրայնացման ենթական չեն)»։ ԱՀ նախագահի գրասենյակից սրա հետ կապված պաշտոնական մեկնաբանություն ստանալ չկարողացանք։
Մեր աղբյուրներն ասում են, որ Բաբայանի մտահոգությունները պայմանավորված են վերջին օրերի ձերբակալություններով, մասնավորապես ՊԲ նախկին հրամանատար Ջալալ Հարությունյանին առաջադրված մեղադրանքի դրվագներից մեկը հայտնի Լելե-Թեփեի ձախողված օպերացիայի մասին է, որի վերաբերյալ մամուլում տասնյակ հրապարակումներ կան առ այն, որ դա եղել է Սամվել Բաբայանի գաղափարը, նա է Փաշինյանին առաջարկել եւ հիմնավորել դրա անհրաժեշտությունը:
Ամբողջությամբ` թերթի այսօրվա համարում
