Մեծ Բրիտանիայի թագուհի Եղիսաբեթ 2-րդը գտնվում է բժշկական հսկողության տակ այն բանից հետո, երբ բժիշկները մտահոգություն են հայտնել նրա առողջական վիճակի վերաբերյալ, այս մասին հայտարարությունը հրապարակվել է Բուքինգհեմյան պալատի պաշտոնական կայքէջում:
«Այս առավոտ թագուհու առողջական վիճակի գնահատումից հետո բժիշկները մտահոգություն հայտնեցին և խորհուրդ տվեցին Նորին Մեծությանը մնալ բժիշկների հսկողության տակ։ Թագուհին մնում է Բալմորալ ամրոցում և իրեն հարմարավետ է զգում այնտեղ», — ասվում է պաշտոնական հայտարարությունում։
Ինչպես հայտնում են բրիտանական լրատվամիջոցները, արքայազն Չարլզը, նրա կինը՝ դքսուհի Կամիլան, և արքայազն Ուիլյամը ներկայումս ճանապարհին են Բալմորալ՝ հանդիպելու թագուհուն։
