Եթե մենք հիմա գործենք, ապա կարող ենք դադարեցնել այս պատերազմը, այս մասին այսօր Եվրոպական խորհրդարանի նիստում ասել է ֆրանսիացի պատգամավոր Ֆրանսու-Խավիեր Բելամին Հայաստանի վրա ադրբեջանական հարձակման մանրամասները ներկայացնելիս։
Վերջինս մասնավորապես նշել է․ «Ոչինչ չի կարող արդարացնել Ադրբեջանի հանցավոր ագրեսիան Հայաստանի դեմ. Եթե մենք հիմա գործենք, կարող ենք դադարեցնել այս պատերազմը։ Մենք դա պարտական ենք Եվրոպայի անվտանգությանը և առաջին հերթին՝ հայ ժողովրդին»։
Պատգամավորը խորհրդարանի նախագահին կոչ է արել միասնականորեն հանդես գալ ընդդեմ Ալիևի հանցավոր ռեժիմի, ինչպես Եվրոպան վարվեց Ուկրաինայի պարագայում և դատապարտել նրա գործողությունները, թույլ չտալով իրագործել ծրագրածը։
«Չլեգիտիմացնենք Ալիևի ռեժիմը և չֆինանսավորենք նրա սպառնալիքները՝ գազ գնելով, սանկցիաներ կիրառենք՝ ՄԱԿ-ի Անվտանգության խորհրդի անհապաղ նիստ հրավիրելով»,- հավելել է պատգամավորը։
