Վրաստանի նախագահ Սալոմե Զուրաբիշվիլին իր մտահոգությունն է հայտնել հայ-ադրբեջանական սահմանին լարված իրավիճակի առնչությամբ:
Զուրաբիշվիլին «Թվիթեր»-ի իր միկրոբլոգում գրառում է արել՝ նշելով, որ ափսոսում է Վրաստանի երկու հարևան և բարեկամ երկրների՝ Հայաստանի ու Ադրբեջանի միջև վտանգավոր էսկալացիայի համար: «Խաղաղ Կովկասը ճանապարհ է դեպի ավելի ուժեղ, զարգացած և ավելի անկախ տարածաշրջան, որից կախված է մեր բնակչության ապագան»,- գրել է Զուրաբիշվիլին:
