-0.9 C
Yerevan
6 Փետրվարի, 2023
238601.6 By Google Analytics 04.02.2023
Գլխավոր » Ռուսաստանը նոր սերնդի Т-14 «Армата» տանկերը, որոնք վատ վիճակում են, ուղարկում է Ուկրաինա. Մեծ Բրիտանիայի պաշտպանության նախարարություն
Այլ Լուրեր

Ռուսաստանը նոր սերնդի Т-14 «Армата» տանկերը, որոնք վատ վիճակում են, ուղարկում է Ուկրաինա. Մեծ Բրիտանիայի պաշտպանության նախարարություն

Մեծ Բրիտանիայի պաշտպանության նախարարությունն Ուկրաինայի պատերազմին վերաբերող իր ամենօրյա թվիթերյան հակիրճ զեկույցում գրում է, որ ներխուժմանը մասնակցող ռուսական զորքերը չեն ցանկանում ընդունել ռուսական արտադրության Т-14 «Армата» տանկերը։

 «Պարզ չէ, թե հստակ ինչ տեխնիկական անսարքություններից են բողոքում զինվորականները, սակայն վերջին երեք տարիների ընթացքում ռուս պաշտոնյաները բացեիբաց խոսում էին T-14-երի շարժիչների և ջերմային պատկերման համակարգերի հետ կապված խնդիրների մասին»,-ասվում է Մեծ Բրիտանիայի ՊՆ զեկույցի մեջ:

Բրիտնական պաշտպանական գերատեսչությունը հիշեցնում է նաև, որ 2021 թվականին ՌԴ պաշտպանության նախարար Սերգեյ Շոյգուն 2022 թվականին նախատեսված սերիական արտադրությունն անվանել է «փորձնական խմբաքանակ»։ «Ուստի դժվար թե Ուկրաինա ուղարկված T-14 տանկերը համապատասխանեն սովորական ստանդարտներին, որոնց հիման վրա տեխնիկան համարվում է մարտունակ»,-եզրակացնում են զեկույցի հեղինակները:

Ուկրաինայում մարտական ​​գոտի Т-14 «Армата» տանկերը ուղարկելու Ռուսաստանի պաշտպանության նախարարության ծրագրերի մասին առաջին անգամ կրկին հայտնել էին բրիտանացի զինվորականները հունվարի 19-ին՝ վկայակոչելով պատերազմին աջակցող ռուսական լրատվամիջոցները։

Այդ ժամանակ զեկույցում նշվում էր, որ Т-14 «Армата» տանկերը ռուսական կողմը Ուկրաինա կտեղափոխի հավանաբար «քարոզչական նպատակներով»: Բրիտանացի զինվորականների գնահատմամբ՝ նման տանկերը բավականին քիչ են, իսկ ռուս հրամանատարները քիչ են ծանոթ նոր տեխնիկայի հնարավորություններին, որպեսզի դրանք ներառեն մարտական գործողությունների մեջ:

Նոր սերնդի Т-14 «Армата» տանկերը առաջին անգամ հանրությանը ներկայացվել են 2015 թվականին Մոսկվայում անցկացված Հաղթանակի օրվա շքերթում։

Նմանատիպ Հոդվածներ

Գերմանիան Leopard 2 տանկերի փոխարեն Ուկրաինային կուղարկի Leopard 1 տանկերը, սակայն վերանորոգումներից հետո. Süddeutsche Zeitung

Սերինե

Ռազմական գործողություններին զուգահեռ Ուկրաինայում անցկացվում են տոտալ խուզարկություններ և ձերբակալություններ

Սերինե

ՌԴ իշխանությունների փոխարեն Մյունխենի անվտանգության համաժողովին հրավիրվել են ռուս ընդիմադիրներ Խոդորկովսկին և Կասպարովը

Սերինե
Բեռնում.....
-->