Ռուսական կամավորական կորպուսը (ՌԿԿ) իր տելեգրամյան ալիքում հրապարակել է մարտի սկզբին Բրյանսկի շրջանի սահմանամերձ գյուղերի վրա հարձակման մասին պատմող տեսանյութ։ Ավելի նրանք խոստացել էին ցուցադրել հարձակման՝ ՌԴ պաշտոնական մեկնաբանության հերքումը ապացուցող ֆիլմ։
«Այդ իրադարձություններից անցել է գրեթե մեկ ամիս։ Այժմ, երբ բոլոր դավադրության տեսաբանները, «փորձագետները» և այլ հարգված անձինք խոսել են, մենք ձեզ ցույց կտանք նախկինում խոստացված տեսանյութը, որը որոշակի լույս կսփռի մարտի 2-ի իրադարձությունների վրա», — ասվում է ՌԿԿ-ի հայտարարության մեջ:
Տեղադրված տեսանյութի տևողությունը երեք րոպեից քիչ է՝ մեծ մասը իրար կպցրած կադրեր, թե ինչպես են մարտիկները պատրաստվում գործողությանը։ Տեսանյութում կա նաև մի կարճ հատված, որում ՌԿԿ-ի հրամանատար Դենիս Կապուստինը, գտնվելով Լյուբեչանե գյուղի «Улица Коммустическая 158» փողոցի ցուցանակի կողքին (գյուղում իսկապես կա այդպիսի փողոց), ասում է, որ ՌԿԿ-ն «չի կռվում քաղաքացիական անձանց դեմ»։ Նա նաև կոչ է անում Ռուսաստանի Դաշնության բոլոր քաղաքացիներին միանալ Վլադիմիր Պուտինի դեմ պայքարին։
Բացի այդ, տեսանյութում կա ևս մեկ պահ, որի վրա մատնանշել է ՌԿԿ-ն. «Ամենակարևորը ձեզ սպասում է վերջում. ի՞նչ են անում ՌԴԿ-ի մարտիկները, երբ ՌԴ քաղաքացիական բնակչությամբ մեքենան հայտնվում է նրանց տեսադաշտում։ Պատասխանը՝ մեր տեսանյութում»,- ասվում է տելեգրամյան ալիքում։
Հրապարակված ձայնագրությունը պարունակում է մի հատված, որտեղ ՌԿԿ-ի մարտիկները հանդիպում են ռուսական համարներով քաղաքացիական մեքենային և բղավում. «Այստեղ հատուկ օպերացիա է, դիվերսանտներ կան, հետ գնացեք, ՀԴԲ (ФСБ)»: Նրանք պահանջում են, որ մեքենան գնա հակառակ ուղղությամբ: Թե ինչ է լինում դրանից հետո, հայտնի չէ։ ՌԴ հատուկ ծառայությունները հայտնել էին, որ հարձակման ժամանակ ուկրաինացի դիվերսանտները կրակել էին բացել քաղաքացիական մեքենային վրա, կան զոհեր:
ՌԴ իշխանությունները մարտի 2-ին հայտարարել էին «ուկրաինական դիվերսիոն խմբի» Բրյանսկի մարզ ներթափանցելու մասին։ Մարզի ղեկավար Ալեքսանդր Բոգոմազը հայտնել էր երկու խաղաղ բնակիչների և վիրավոր երեխայի մասին։ Ռուսաստանի նախագահ Վլադիմիր Պուտինը տեղի ունեցածն անվանել էր «ահաբեկչական հարձակում»: ՌԴ Քննչական կոմիտեն քրեական գործ է հարուցել ահաբեկչության հոդվածով։ Հարձակման պատասխանատվությունը ստանձնել էր Ռուսական կամավորական կորպուսը (ՌԿԿ), որը կռվում է Ուկրաինայի կողմից։
