Ուկրաինայի նախագահ Վլադիմիր Զելենսկին պետական այցով ժամանել է Լեհաստան։ Նա արդեն հատել է երկրի սահմանը, հայտնել է Լեհաստանի նախագահի միջազգային կապերի գրասենյակի ղեկավար Մարչին Պրժիդաչը։
Զելենսկին Վարշավայում կհանդիպի Լեհաստանի նախագահ Անջեյ Դուդայի հետ։ Սպասվում է, որ այցի ընթացքում Ուկրաինայի նախագահը Վարշավայի կենտրոնում ելույթ կունենա՝ ուղղված լեհերին և երկրում բնակվող ուկրաինացիներին։
Սա Զելենսկու առաջին պաշտոնական այցն է Լեհաստան՝ Ուկրաինա ռուսական լայնամասշտաբ ներխուժման սկսվելուց հետո։ Նախկինում Ուկրաինայի ղեկավարը մի քանի անգամ անցել է Լեհաստանի տարածքով, երբ մեկնում էր այլ երկրներ՝ ԱՄՆ և Մեծ Բրիտանիա:
