Ռուսաստանի Կամչատկայի երկրամասում շարունակվում է Շիվելուչ հրաբխի ժայթքումը։ Քամին հրաբխից արտանետվող մոխիրը տանում է Ուստ-Կամչատսկի շրջանի Կլյուչի, Կոզիրևսկ և Մայսկոյե գյուղեր։ Կլյուչի գյուղում, հայտնում է Կամչատկայի երկրամասի կառավարությունը, մոխրի շերտը հասնում է 20 սանտիմետրի։ Շրջանի ղեկավար Վլադիմիր Սոլոդովը Ուստ-Կամչատսկի շրջանի բնակչությանը հորդորել է հանգստություն պահպանել, զգոն լինել և հնարավորության դեպքում մնալ տանը։
