ԱՄՆ Կոնգրեսի ներկայացուցիչների պալատի իրավաբանական հանձնաժողովը հաստատել է իմպիչմենթի շրջանակներում ամերիկյան առաջնորդ Դոնալդ Թրամփի դեմ մեղադրանքների երկու հոդվածը, «Regnum» տեղեկատվական գործակալության փոխանցմամբ, հայտնել է «Associated Press» գործակալությունը:
Հայտնվում է, որ հանձնաժողովը որոշել է մեղադրել ԱՄՆ նախագահին իշխանությունը չարաշահելու և Կոնգրեսի հետաքննությանը խոչընդոտելու փորձերի համար: Մեղադրանքներին «կողմ» է քվեարկել հանձնաժողովի 23 դեմոկրատական, «դեմ»` 17 հանրապետական անդամ:
Եկող շաբաթ այդ հոդվածները կքննարկվեն ներկայացուցիչների պալատում:
