ԱՄՆ նախագահ Դոնալդ Թրամփն առաջիկա օրերին իր դաշնակիցներին կոչ կանի դուրս գալ իրանական միջուկային համաձայնագրից: Fox News-ի հետ զրույցում այդ մասին նշել է ԱՄՆ փոխնախագահ Մայք Փենսը:
«Նախագահը մոտակա օրերին պատրաստվում է կոչ անել մեր դաշնակիցներին միանալ ԱՄՆ-ին, դուրս գալ Իրանի հետ միջուկային համաձայնագրից և նրանից պահանջել հրաժարվել շարունակական ջանքերից՝ ուղղված ահաբեկչական բռնության տարածմանը, ինչպես նաև հրաժարվել միջուկային հավակնություններից և ներգրավվել ժողովուրդների ընտանիքում»,- ասել է Փենսը:
