«Հայկական ժամանակ» թերթը գրում է.
Հայաստանի ազգային պատկերասրահն այլևս չի շարունակում նկարիչ Մարտիրոս Սարյանի արվեստի գործերի վերատպությամբ հուշանվերների ցուցադրությունն ու վաճառքը: Պատկերասրահը հայտարարել է, որ դա Սարյանի ընտանիքի պահանջն է:
Նկարչի թոռնուհին` «Մարտիրոս Սարյան» տուն-թանգարանի տնօրեն Ռուզան Սարյանը ՀԺ-ի հետ զրույցում ասել է, որ իրենք պատկերասրահից ընդամենը պահանջել են գործել օրենքի դաշտում, չխախտել հեղինակային իրավունքի մասին օրենքը:
Ժառանգների պահանջը հետևյալն է. պայմանագիր կնքել իրենց հետ` ոչ բացառիկ հեղինակային իրավունքի օգտագործմամբ շահույթ հետապնդող գործունեություն իրականացնելու մասին, տրամադրել ցանկը բոլոր այն գործերի, որոնց վերատպությամբ արտադրվում է հուշանվերային արտադրանք, օգտագործման եղանակները, ծավալները և ի վերջո այն մասնաբաժինը, որը շահույթից պետք է հատկացվի ժառանգներին: Սարյանի խոսքով` դա չի գերազանցում 20 տոկոսը:
Առավել մանրամասն` թերթի այսօրվա համարում
